آصفہ کیس؛ فارنسک رپورٹ سے گرفتار افراد کے ملوث ہونے کی تصدیق

نئی دہلی / سری نگر: نئی دہلی کی فارنسک لیبارٹری نے مقبوضہ کشمیر کے ضلع کٹھوعہ میں کم عمر بچی آصفہ کی آبروریزی اور قتل میں گرفتار افرادکے المناک واقعے میں ملوث ہونے کی تصدیق کر دی۔

کشمیر میڈیاسروس کے مطابق ٹیسٹ کیلیے بھیجے گئے نمونے یکم سے 21مارچ تک نئی دہلی کی فارنسک لیبارٹری میں بھیجے گئے تھے۔ لیبارٹری کے سینئر افسر نے تمام نمونوں کے ٹیسٹ مثبت آنے کی تصدیق کرتے ہوئے یہ بھی کہا ہے کہ مجرموں کے ڈی این اے ٹیسٹ بھی ان نمونوں سے میچ کر گئے ہیں۔