- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
بونس شیئرز کے اجرا پر ٹیکس چھوٹ کی سفارش
اسلام آباد: وفاقی حکومت نے آئندہ مالی سال کے بجٹ میں اسٹاک مارکیٹ کے ذریعے ٹریڈنگ کو فروغ دینے کے لیے بونس شیئرز کے اجرا پر ٹیکس کی چھوٹ دینے کی تجویز کا جائزہ لینا شروع کر دیا ہے۔
’’ایکسپریس‘‘ کو دستیاب دستاویز کے مطابق یہ تجویز سیکیورٹیز اینڈ ایکسچینج کمیشن آف پاکستان کی جانب سے ایف بی آر کو بھجوائی گئی ہے جس میں کہا گیا ہے کہ اسٹاک مارکیٹ کے ذریعے تجارتی سرگرمیوں کو فروغ دینے کے لیے سال 2018-19 کے وفاقی بجٹ میں انکم ٹیکس آرڈیننس 2001 کی سیکشن 236 ایم اور سیکشن 236 این کو ختم کردیا جائے اور بونس شیئرز کے اجرا کو ٹیکس سے چھوٹ دے دی جائے۔
دستاویز میں بتایا گیاکہ اس سے قبل 2014 میں بھی بونس شیئرز کے اجرا پر ٹیکس سے چھوٹ دی گئی تھی جس سے اسٹاک مارکیٹ میں کاروباری سرگرمیوں کو فروغ حاصل ہوا تھا۔
دستاویز میں تجویز دی گئی ہے کہ آئندہ بجٹ میں بھی بونس شیئرکو ٹیکس سے چھوٹ دی جائے، اس سے ایف بی آر کے ریونیو میں کمی کے بجائے اضافہ ہوگاکیونکہ ٹیکس سے چھوٹ دینے کی وجہ سے بونس شیئرز کے اجرا میں اضافہ ہوگا جس سے اسٹاک مارکیٹ کا تجارتی حجم بڑھے گا اور فری فلوٹ کے باعث اضافی ریونیو جنریٹ ہوگا کیونکہ اس ایک اقدام کے نتیجے میں پاکستان اسٹاک ایکس چینج میں بروکرز کی سرگرمیاں زور پکڑیں گی اور بروکرزکی سرگرمیوں کے بڑھنے سے بروکرز پر عائد کردہ ٹیکس کی مد میں ریونیو بڑھے گا۔
اسی طرح شیئرہولڈرز کی جانب سے خریدی جانے والی سیکیورٹیزکی فروخت سے کیپٹل گین ٹیکس کے ساتھ کیپٹل ویلیو ٹیکس کی مد میں بھی اضافی ریونیو حاصل ہوسکے گا کیونکہ بونس شیئرز پر عائد کردہ ٹیکس وصولی کا نظام بہت پیچیدہ ہے جس کی وجہ سے بونس شیئرز پر ٹیکس کی رقم کے اجرا کی حوصلہ شکنی ہوتی ہے اور اس کے نتیجے میں اسٹاک مارکیٹ کی ٹریڈنگ سرگرمیاں متاثر ہوتی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔