امریکا میں ریسٹورینٹ میں فائرنگ سے 4 افراد ہلاک

حملہ آور کی شناخت ٹریوس رینکنگ کے نام سے ہوئی ہے جس کی تلاش جاری ہے، ٹینیسی پولیس

ویب ڈیسک April 23, 2018

پولیس کو ریسٹورینٹ سے آلہ قتل بھی مل گیا ہے فوٹو: فائل

امریکی ریاست ٹینیسی نیشویل میں واقع ویفل ہاؤس میں مسلح شخص نے فائرنگ کرکے چار افراد کو قتل کردیا۔

برطانوی نشریاتی ادارے کے مطابق امریکی ریاست ٹینیسی کے دارالحکومت نیشویل کے ریسٹورینٹ ویفل ہاؤس میں ذبردستی گھس کر ایک برہنہ شخص نے فائرنگ کردی جس کے نتیجے میں 3 افراد موقع پر ہی ہلاک ہو گئے جب کے ایک شخص نے اسپتال میں جا کر دم توڑ دیا۔ فائرنگ کے واقعے میں دو افراد حملہ آور شخص سے پستول چھیننے کے دوران زخمی ہوئے۔

BREAKING: Travis Reinking, 29, of Morton, IL, is person of interest in Waffle House shooting. Vehicle the gunman arrived in is registered to him. Gunman last seen walking south on Murfreesboro Pike. He shed is coat and is nude. See Reinking? Pls call 615-862-8600 immediately. pic.twitter.com/duoWCo5fC0
— Metro Nashville PD (@MNPDNashville) April 22, 2018

حملہ آور کی شناخت 29 سالہ ٹریوس رینکنگ کے نام سے ہوئی ہے جو الینوائے کا رہائشی ہے جس کی تلاش میں چھاپے مارے جارہے ہیں جب کے پولیس کو ملزم کا مجرمانہ ریکارڈ بھی مل گیا ہے۔ ملزم گزشتہ برس نیشویل پولیس کے ہاتھوں گرفتار بھی ہوا تھا۔ پولیس کو واردات میں استعمال ہونے والا اسلحہ بھی مل گیا ہے۔

پولیس کا کہنا ہے کہ ملزم نے صرف جیکٹ پہنی ہوئی تھی اور اسی میں اسلحہ چھپا کر ریسٹورینٹ میں داخل ہوا تھا۔ ملزم کو ویفل ہاؤس میں موجود دو افراد نے قابو کرنے کی کوشش کی تاہم ملزم فرار ہونے میں کامیاب ہو گیا، پولیس کو ریسٹورینٹ سے بندوق مل گئی ہے۔

واضح رہے کہ گزشتہ برس لاس ویگاس اور فلوریڈا میں بھی فائرنگ کے مختلف واقعات میں 75 افراد ہلاک ہوگئے تھے۔