پنجاب میں دوران ملازمت فوت ملازمین کے ورثا کو معاوضہ کیلیے فہرستیں طلب

محکمہ جنگلات کے سربراہان سے بھی یہ فہرست طلب کی گئی، چوہدری ظفر بلو

قیصر شیرازی منگل 24 اپريل 2018

محکمہ جنگلات کے سربراہان سے بھی یہ فہرست طلب کی گئی، چوہدری ظفر بلو۔ فوٹو: فائل

راولپنڈی: پنجاب حکومت نے1998ء سے اب تک دوران ملازمت فوت ہوجانے والے تمام سرکاری اداروں کے افسران اور اہلکاروں کی فہرستیں مانگ لیں۔

حکومت کی طرف سے تمام سرکاری دفاترکے سربراہان کو چٹھی ارسال کی گئی ہے جس میں اس عرصہ کے دوران فوت ہوجانے والے تمام افسران، اہلکاروں کی تفصیلات مانگی گئی ہیں۔

آل پاکستان کلرکس ایسوسی ایشن کے مرکزی سیکریٹری و محکمہ جنگلات ایپکا کے قائد چوہدری ظفر بلو نے تصدیق کرتے ہوئے ایکسپریس کو بتایا کے محکمہ جنگلات کے سربراہان سے بھی یہ فہرست طلب کی گئی جس میں ہدایت کی گئی ہے کے ایک ہفتہ میں یہ فہرستیں پیش کر دی جائیں۔