بجٹ میں 250 سے زائد اشیا پر ریگولیٹری ڈیوٹی ختم کیے جانے کا امکان

علیم ملک  جمعرات 26 اپريل 2018
اے سی، ڈیپ فریزر، فریج ،ایل سی ڈی ،ٹی وی سمیت الیکٹرونکس کی مصنوعات شامل۔ فوٹو؛ فائل

اے سی، ڈیپ فریزر، فریج ،ایل سی ڈی ،ٹی وی سمیت الیکٹرونکس کی مصنوعات شامل۔ فوٹو؛ فائل

 اسلام آباد: وفاقی حکومت کی جانب سے آئندہ مالی سال  2018-19 کے بجٹ میں 250 سے زائد اشیا پرعائد ریگولیٹری ڈیوٹی ختم کیے جانے کا امکان ہے۔

ذرائع کے مطابق حکومت کی جانب سے آئندہ مالی سال کے بجٹ میں 250 سے زائد اشیا پر سے ریگولیٹری ڈیوٹی ختم کیے جانے کا امکان ہے ذرائع نے بتایاکہ جن اشیا پر سے ریگولیٹری ڈیوٹی ختم کیے جانے کا امکان ہے۔ ان میں اے سی، ڈیپ فریزر، فریج، ایل سی ڈی، ٹی وی سمیت الیکٹرانکس کی مصنوعات شامل ہیں۔

ذرائع نے مزید بتایا کہ حکومت کی جانب سے گاڑیوں کے اسپئیر پارٹس پر بھی ریگولیٹری ڈیوٹی ختم کیے جانے کا امکان ہے۔

واضح رہے حکومت نے گزشتہ سال اکتوبر میں سیکڑوں اشیا پر ریگولیٹری ڈیوٹی عائد کی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔