کبڈی ورلڈ کپ پاکستانی ٹیم میں بھارتی کھلاڑی کھلائے جانے کیخلاف احتجاج

کبڈی کے کھلاڑیوں نے زرعی یونیورسٹی گیٹ سے ضلع کونسل چوک تک احتجاجی ریلی نکالی

ویب ڈیسک April 28, 2018

کبڈی کے کھلاڑیوں نے زرعی یونیورسٹی گیٹ سے ضلع کونسل چوک تک احتجاجی ریلی نکالی فوٹو:فائل

آسٹریلیا میں ہونے والے کبڈی ورلڈ کپ میں پاکستانی ٹیم میں بھارتی کھلاڑی کھلائے جانے کیخلاف احتجاج کیا گیا۔

کبڈی ورلڈ کپ میں پاکستانی ٹیم میں بھارتی کھلاڑی کھیلانے کے خلاف فیصل آباد میں احتجاج کیا گیا۔ کبڈی کے کھلاڑیوں نے زرعی یونیورسٹی گیٹ سے ضلع کونسل چوک تک احتجاجی ریلی نکالی۔ کھلاڑیوں نے کہا کہ پاکستانی ٹیم میں اپنے کھلاڑیوں کو چھوڑ کر بھارتی کھلاڑیوں کو کھلانا زیادتی ہے، کبڈی فیڈریشن ملک دشمن ایجنڈے پر کام کر رہی ہے، حکومت نوٹس لے۔

واضح رہے کہ آسٹریلوی سفارتخانے نے پاکستان کبڈی ٹیم کے 10 کھلاڑیوں کو ویزے جاری نہیں کیے تھے جس کی وجہ سے وہ آسٹریلیا نہیں جا سکے تھے۔ قومی کبڈی ٹیم کو مکمل شرکت نہ ہونے کے باعث مشکلات کا سامنا کرنا پڑا۔ پاکستان کبڈی فیڈریشن کے ترجمان کے مطابق 14 کھلاڑیوں سمیت 5 آفیشلز نے آسٹریلیا کے ویزے اپلائی کیے تھے لیکن صرف 5 کھلاڑیوں اور 4 آفیشلز کو ویزے جاری ہوئے۔