بھارت دنیا کا آلودہ ترین شہروں والا ملک قرار

ہرسال 70 لاکھ افراد آلودہ فضا کی وجہ سے موت کے منہ میں چلے جاتے ہیں،رپورٹ

ویب ڈیسک May 02, 2018

عالمی ادارے نے آلودہ شہروں کی رپورٹ جاری کردی،فوٹو:فائل

عالمی ادارے نے بھارت کو دنیا کے سب سے زیادہ آلودہ شہروں والا ملک قرار دے دیا۔

ورلڈ ہیلتھ آرگنائزیشن کی جاری کردہ عالمی شہروں کی درجہ بندی میں بھارتی دارالحکومت نئی دلی غیر معیاری ہوا کے حامل شہروں میں سرفہرست ہے، میگا سٹی کی عالمی رینکنگ میں دوسرے نمبر پر قاہرہ اور تیسرے پر ڈھاکا ہے۔

بھارت کا معاشی و کاروباری حب کہلانے والا ممبئی دنیا کے آلودہ ترین میگا شہروں میں چوتھے نمبر پر ہے جب کہ دنیا کے 15 آلودہ ترین شہروں کی فہرست میں 14 بھارتی شہر شامل ہیں۔

یہ بھی پڑھیں: بھارت دنیا کا آلودہ ترین ملک قرار

عالمی ادارے کی رپورٹ کے مطابق دنیا میں ہر10 سے میں 9 افراد آلودہ ہوا میں سانس لیتے ہیں اور ہرسال 70 لاکھ افراد باہر اور گھریلوں گندی فضا اور آلودگی کی وجہ سے موت کے منہ میں چلے جاتے ہیں۔

رپورٹ میں بتایا گیا ہے کہ آلودگی سے ہونے والی سالانہ اموات میں سے 90 فیصد مرنے والے لوگوں کا تعلق کم آمدنی یا متوسط ممالک سے ہے جس میں زیادہ تر ایشیائی اور افریقی ممالک شامل ہیں۔