جلتی پر تیل ڈالنا خطرناک آگ پھیلی تو سب کو لپیٹ میں لے گی سعد رفیق

داخلی انتشار کو بڑھنے سے نہ روکا گیا تو ناقابل تلافی نفصان ہوسکتا ہے، سعدرفیق

ویب ڈیسک May 14, 2018

آگ پھیلی تو ایک ایک کر کے سب کو لپیٹ میں لے سکتی ہے، سعدرفیق : فوٹو : فائل

وزیر ریلوے خواجہ سعدرفیق کا کہنا ہے کہ جلتی پر تیل ڈالنے کا کھیل خطرناک ثابت ہو سکتا ہے اور اگر آگ پھیلی تو ایک ایک کرکے سب کو اپنی لپیٹ میں لے سکتی ہے۔

سماجی رابطے کی ویب سائٹ ٹویٹر پر اظہارِ خیال کرتے ہوئے وفاقی وزیرِریلوے خواجہ سعدرفیق کا کہنا تھا کہ ملک بحرانوں سے دوچار ہے لیکن سلجھا ؤ کی بجائے الجھاؤ بڑھ رہا ہے، گالم گلوچ، دھکم پیل اور کھینچا تانی کے رویے ہمیں ایسے مقام پر لے جا رہے ہیں جہاں سے واپسی آسان نہیں ہوگی۔

ملک بحرانوں سے دوچار ھے

مگر — سلجھاؤ کی بجاۓ الجھاؤ بڑھ رھا ھے

گالم گلوچ دھکم پیل کھینچا تانی کے رویے پوائینٹ آف نو ریٹرن پر لے جا رھے ھیں —
— Khawaja Saad Rafique (@KhSaad_Rafique) May 14, 2018

سعد رفیق کا کہنا تھا کہ داخلی انتشار کو بڑھنے سے نہ روکا گیا تو ناقابل تلافی نفصان ہوسکتا ہے تمام اسٹیک ہولڈر احتیاط اور تدبر سے کام لیں اور ناانصافی و دباؤ کا سلسلہ روکا جائے، مزید قومی المیوں سے بچنے کی ہر ممکن کوشش کی جائے، جلتی پر تیل ڈالنے کا کھیل خطرناک ثابت ہو سکتا ہے آگ پھیلی تو ایک ایک کر کے سب کو لپیٹ میں لے سکتی ہے۔

جلتی پر تیل ڈالنے کا کھیل خطرناک ثابت ھو سکتا ھے

آگ پھیلی تو ایک ایک کر کے سب کو لپیٹ میں لے سکتی ھے
— Khawaja Saad Rafique (@KhSaad_Rafique) May 14, 2018