- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو کچلنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
- نند کو تحفہ دینے کے ارادے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
افغان طالبان کا فراہ شہر پر حملہ ؛ 18 فوجی، درجنوں جنگجو جاں بحق
کابل / ہرات: افغان اور امریکی فضائیہ نے مغربی شہر فراہ میں طالبان کے ٹھکانوں کو شدید بمباری سے نشانہ بنایااس سے قبل طالبان نے فراہ شہر پر قبضہ کرنے کیلیے حملہ کیا تھا۔
ذرائع کے مطابق لڑائی میں درجنوں افغان اہلکار اور طالبان جاں بحق ہوئے ہیں۔ افغان وزارت دفاع کے ترجمان کے مطابق لڑائی میں 2افغان فوجی اور 10جنگجو جاں بحق ہوئے ہیں۔ طالبان کی ایک بہت بڑی تعداد نے صوبائی دارالحکومت فراہ پر مختلف سمتوں سے دھاوا بولا اور وہ شہر کے متعددعلاقوں پر قابض ہیں۔ فراہ کی صوبائی کونسل کے ایک رْکن خیر محمد نور زئی نے بتایا کہ سیکڑوں طالبان نے 3مختلف اطراف سے شہر پر حملہ کیا۔ فراہ شہر کے علاقے عسکر آباد میں ہونے والے خودکش حملے میں 18 افغان فوجیوں کے جاں بحق ہونے کی اطلاع ہے۔ نور زئی کے مطابق حملہ آوروں نے شہر سے باہر قائم تین سے چار چیک پوسٹوں کو تباہ کر دیا جس کی وجہ سے کافی تعداد میں ہلاکتیں ہوئیں اور صوبائی پولیس کے نائب سربراہ سمیت 10 افراد زخمی ہیں۔
صوبائی کونسل کی ایک اور رْکن جمیلہ امینی کے مطابق جانی نقصان کا درست اندازہ ابھی تک نہیں ہو سکا کیونکہ لڑائی ابھی تک جاری ہے۔ سیکڑوں خاندان گھر بار چھوڑ کر وہاں سے نکل گئے ہیں۔ صوبائی کونسل کے ارکان کے مطابق طالبان نے فراہ کے مضافات میں کم از کم 3 دیہات پر قبضہ کر لیا اور پھر مختلف چیک پوائنٹس کو آگ لگا دی۔ افغان وزارت دفاع کے ترجمان محمد ردمانش نے بتایا کہ اضافی فورسز کو وہاں بھیج دیا گیا ہے تاکہ اْن علاقوں کو واپس حاصل کیا جا سکے جہاں طالبان قبضہ کر چکے ہیں۔
وزارت داخلہ کے ترجمان نجیب دانش کا کہنا ہے کہ پولیس اسپیشل فورسز کے اہلکاروں کو بھی شہر میں تعینات کر دیا گیا ہے۔ اس دوران افغان فضائیہ کے طیارے جنگجوئوں کے ٹھکانوں کو نشانہ بنا رہے ہیں۔ دوسری طرف طالبان ترجمان ذبیح اللہ مجاہد نے ایک ویڈیو جاری کی ہے جس میں طالبان حملہ آوروں کو دیکھا جا سکتا ہے جبکہ اس دوران فائرنگ کی آوازیں سنائی دے رہی ہیں۔ مجاہد نے حملے کی ذمے داری قبول کرتے ہوئے کہا کہ طالبان نے شہر پر مختلف اطراف سے حملہ کیا اور کئی سیکیورٹی چیک پوسٹوں کو تباہ کر دیا۔ حملوں کے بعد شہر میں اسکول، دکانیں اور سرکاری دفاتر بند کردیے گئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔