نیب ریفرنسز کی سماعت کے دوران نواز شریف کو کمرہ عدالت میں اندھیرا ستانے لگا

ویب ڈیسک  بدھ 16 مئ 2018
بجلی کے بریک ڈاؤن نے اسلام آباد کو بھی متاثر کیا فوٹو: فائل

بجلی کے بریک ڈاؤن نے اسلام آباد کو بھی متاثر کیا فوٹو: فائل

اسلام آباد: مسلم لیگ (ن) کے تاحیات قائد میاں نواز شریف کو نیب ریفرنسز کی سماعت کے دوران کمرہ عدالت میں اندھیرا ستانے لگا۔

ایکسپریس نیوز کے مطابق نیشنل پاور کنٹرول سینٹر کا مین بجلی سپلائی کرنے والے سسٹم میں پیدا ہونے والی خرابی کا اثر اسلام آباد پر بھی پڑا اور نواز شریف کی احتساب عدالت میں پیشی کے دوران بجلی کی فراہمی معطل ہوگئی، جس کی وجہ سے ایمرجنسی لائٹس جلا کر نیب ریفرنس کی سماعت کی جانے لگی۔

بجلی بند ہونے کی وجہ سے نواز شریف کو کمرہ عدالت میں اندھیرا ستانے لگا، انہوں نے میڈیا کے نمائندوں سے پوچھا کہ اس قدر اندھیرا کیوں ہے۔ جس پر صحافیوں نے جواب دیا کہ آپ کے آتے ہی بجلی چلی گئی ہے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔