سونے کی فی تولہ قیمت میں 250 روپے کمی

ویب ڈیسک  جمعرات 17 مئ 2018
فی تولہ سونا 56 ہزار 650 روپے کا اور 10 گرام سونا 48 ہزار 557 روپے کا ہوگیا۔ فوٹو:فائل

فی تولہ سونا 56 ہزار 650 روپے کا اور 10 گرام سونا 48 ہزار 557 روپے کا ہوگیا۔ فوٹو:فائل

 کراچی: بین الاقوامی اور مقامی مارکیٹ میں سونے کی قیمت میں نمایاں کمی ہوگئی۔

مقامی مارکیٹ میں سونے کی فی تولہ قیمت ڈھائی سو روپے کم ہوگئی۔ آل سندھ صرافہ بازار کے صدر ہارون چاند کے مطابق سونا مزید سستا ہوگیا ہے۔ عالمی مارکیٹ میں سونے کی فی اونس قیمت میں 13 ڈالر کی کمی ہوگئی جس کے نتیجے میں سونا سستا ہوکر 1287 ڈالر اونس ہوگیا۔

عالمی مارکیٹ میں کمی کے باعث مقامی صرافہ مارکیٹوں میں بھی سونے کے بھاؤ کم ہوگئے اور فی تولہ سونا 250 روپے سستا ہوکر 56 ہزار 650 روپے کا ہوگیا۔ 10 گرام سونے کی قیمت 214 روپے کم ہوکر 48 ہزار 557 روپے ہوگئی۔ ہارون چاند نے بتایا کہ 3 روز میں ایک تولہ سونا 1350 روپے اور 10 گرام سونا 1157 روپے سستا ہوچکا ہے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔