- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
دل کی صحت کےلیے 10 بہترین غذائیں
لندن: پاکستان سے لے کر امریکا تک امراض قلب اب بھی جان لیوا بیماریوں میں سرِفہرست ہیں۔ ڈاکٹروں کے مطابق کئی غذائیں دل کو تندرست اور توانا بناکر اسے کئی امراض سے بچاسکتی ہیں۔ ان میں سے چند اہم ترین غذائیں درج ذیل ہیں۔
مارچوب
مارچوب کو انگریزی میں ایسپریگس کہتے ہیں۔ اس میں فولیٹ کی بڑی مقدار پائی جاتی ہے جس کا خاص کام ہوموسسٹائین نامی ایک ہارمون کو جسم میں جمع ہونے سے روکنا ہے۔ ہوموسسٹائین کی زیادتی امراضِ قلب اور فالج کی اہم ترین وجوہ میں شامل ہے۔
چنے، مٹر، پھلیاں اور دالیں
مٹر، پھلیاں، دالیں اور چنے ایل ڈی ایل کولیسٹرول کو روکتے ہیں۔ ان میں فائبر کی بھرپور مقدار ہوتی ہے جو دل کو بہتر بناتی ہے۔
بیریاں
بلیوبیری، رسبیری اور دیگر اقسام کی بیریاں پولی فینولز سے بھرپور ہوتی ہیں جو دل کے دورے کو ٹالتی ہیں۔ ان میں وٹامن سی، فولیٹ، کیلشیم، فائبر اور دیگر اہم اجزا بھی پائے جاتے ہیں۔
شاخ گوبھی
بروکولی یا شاخ گوبھی کو اب سپرفوڈ کا درجہ حاصل ہوچکا ہے۔ یہ دل کی محافظ سبزی ہے اور بلڈ پریشر کو معمول پر رکھتی ہے۔ بلڈ پریشر دل کے امراض کی بڑی وجہ ہے۔
گہری رنگت والی چاکلیٹ
ایکسپریس نے انہی صفحات پر ڈارک چاکلیٹ کے کئی فوائد پیش کیے ہیں۔ طبی تحقیقات سے معلوم ہوا ہے کہ گہری رنگت والی چاکلیٹ میں موجود کئی مرکبات ایسے ہیں جو شریانوں کی سختی اور ان کی بندش کو روکتے ہیں۔ ڈارک چاکلیٹ میں فلیوونول نامی ایک اور جادوئی مرکب بھی دل کا قلبی دوست ہے۔
کافی
حالیہ تحقیقات سے ثابت ہوا ہے کہ کافی دل کے دورے اور فالج سے بچانے میں اہم کردار ادا کرتی ہے۔ شرط ہے یہ ہے کہ روزانہ دو سے تین کپ کافی پی جائے۔ کافی کے فوائد عین چاکلیٹ والے ہیں یعنی یہ دل کی شریانوں کو سخت ہونے سے بچاتی ہے اور رگوں کو بند نہیں ہونے دیتی۔
مچھلیاں اور اومیگا تھری سپلیمنٹ
تیل دار مچھلیاں اومیگا تھری فیٹی ایسڈز اور پروٹین سے بھرپور ہوتی ہیں۔ اسی لیے دل کے مریضوں کو اور خود اس کے ممکنہ شکار ہونے والے افراد کےلیے ضروری ہے کہ وہ مچھلیاں اور اومیگا تھری فیٹی ایسڈ کے سپلیمنٹ (مچھلی کے تیل سے بھری شفاف گولیاں) ضرور استعمال کریں۔
دل کے مرض سے بچنے کےلیے ہفتے میں دو مرتبہ مچھلی ضرور کھائیں کیونکہ اومیگا تھری فیٹی ایسڈز دل کےلیے نہایت مفید تصور کیے جاتے ہیں۔ یہ قلبی شریانوں کو صحت مند رکھتے ہیں۔
سبز چائے
سبزچائے کے ان گنت فوائد سامنے آچکے ہیں اور یہ کولیسٹرول میں کمی میں اپنا اہم کردار ادا کرتی ہے۔ 2014 میں بلڈ پریشر کے مریضوں پر کی گئی تحقیق سے معلوم ہوا تھا کہ اس کا باقاعدہ استعمال بلڈ پریشر معمول پر رکھتا ہے جو آخرکار امراضِ قلب کو دور رکھنے میں معاون ہے۔
دلیہ اور سیریل
دلیہ اور سیریلز کو روزمرہ غذا کا حصہ بنائیے کیونکہ ان کا باقاعدہ استعمال ایل ڈی ایل کولیسٹرول کم کرتا ہے اور اس سے امراضِ قلب سے بچاؤ میں مدد ملتی ہے۔
پالک اور ٹماٹر
پالک میں میگنیشیم کی غیرمعمولی مقدار دل کی دھڑکن کو منظم رکھتی ہے جبکہ ٹماٹر میں موجود فائبر، فولیٹ، وٹامن سی اور کولائن دل کو مجموعی طور پر تندرست رکھتے ہیں۔
لیکن ماہرین کا اصرار ہے کہ کوئی بھی شے ورزش سے زیادہ مؤثر نہیں اور دل سے بچاؤ کےلیے جاگنگ اور واکنگ سے بہتر کوئی ورزش نہیں۔ سگریٹ نوشی سے پرہیز، ذہنی تناؤ سے دوری اور ڈاکٹروں سے معمول کے چیک اپ سے دل کو مضبوط رکھا جاسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔