مسلم لیگ (ن) کے مزید دو ارکان قومی اسمبلی تحریک انصاف میں شامل

بنی گالا: مسلم لیگ (ن) کے مزید دو ارکان قومی اسمبلی تحریک انصاف میں شامل ہو گئے۔

پاکستان مسلم لیگ (ن) کے مزید دو ارکان قومی اسمبلی سے غلام بی بی بھروانہ اور صاحبزادہ محمد نذیر سلطان تحریک انصاف کوپیارے ہو گئے جب کہ پنجاب سے سیاسی شخصیات کا ایک اور بڑا ریلہ بھی پی ٹی آئی میں شامل ہوگیا ہے۔

پنجاب سے سیاسی شخصیات کا ایک اور بڑا ریلہ تحریک انصاف میں شامل .

اراکین قومی اسمبلی غلام بی بی بھروانہ اور صاحبزادہ محمد نذیر سلطان نون لیگ چھوڑ کر تحریک انصاف میں شامل.

چیئرمین تحریک انصاف عمران خان سے بنی گالہ میں ملاقات .

سنئیر مرکزی رہنما جہانگیر ترین بھی موجود.#PTI pic.twitter.com/4MM15pYkJb

— PTI (@PTIofficial) May 17, 2018

اراکین قومی اسمبلی غلام بی بی بھروانہ اورصاحبزادہ محمدنذیر سلطان (ن) لیگ چھوڑکر تحریک انصاف کے قافلےمیں شامل ہوگئے جب کہ دونوں اراکین قومی اسمبلی نے چیئرمین تحریک انصاف عمران خان سے بنی گالہ میں ملاقات کی اورکپتان کی قیادت اور نظریے پراعتماد کا اظہار کیا۔ اس موقع پر پی ٹی آئی کےسینئررہنما جہانگیر ترین بھی موجود تھے۔

تحریک انصاف کی قیادت اور منشور پر مکمل اعتماد کا اظہار .

کرنل غلام عباسی قریشی، سابق رکن صوبائی اسمبی مہر محمد اسلم بھروانہ، میاں مظفر محمود، رانا شہباز احمد خان، میاں آصف کھاٹیہ کا بھی تحریک انصاف میں شمولیت کا فیصلہ. #PTI pic.twitter.com/uowL4p4X8q

— PTI (@PTIofficial) May 17, 2018

دوسری جانب جھنگ سے  کرنل ریٹائرڈ غلام عباس قریشی، سابق رکن صوبائی اسمبلی مہر اسلم بھروانہ، میاں مظفرمحمود،رانا شہباز احمد خان، میاں آصف کاٹھیا بھی کپتان کےکھلاڑی بے جب کہ سابق اراکین پنجاب اسمبلی غلام احمد خان گاڈی، شیخ محمد یعقوب اور مہرسلطان سکندر بھروانہ نےبھی کپتان کے قافلےمیں شمولیت کا اعلان کیا۔ جس پر عمران خان نےتحریک انصاف میں شمولیت اختیارکرنے والی شخصیات کا خیرمقدم کیا۔