جب سپاہی شہید ہوتا ہے تو لگتا ہے میرے جسم کا حصہ جدا ہوگیا، آرمی چیف

ویب ڈیسک  جمعرات 17 مئ 2018
شہید کرنل سہیل عابد فوجی اعزاز کے ساتھ سپردخاک - آئی ایس پی آر

شہید کرنل سہیل عابد فوجی اعزاز کے ساتھ سپردخاک - آئی ایس پی آر

راولپنڈی: آرمی چیف جنرل قمر جاوید باجوہ کا کہنا ہے کہ ہم وطن کے دفاع کے لیے کسی بھی قسم کی قربانی کے لیے پرعزم ہیں۔

پاک فوج کے شعبہ تعلقات عامہ (آئی ایس پی آر) کے مطابق گزشتہ روز بلوچستان کے علاقے کلی الماس میں دہشت گردوں کے خلاف آپریشن میں جام شہادت نوش کرنے والے شہید کرنل سہیل عابد کو فوجی اعزاز کے ساتھ سپردخاک کردیا گیا۔ کرنل سہیل کو اپنے آبائی گاؤں وہاڑی میں سپردخاک کیا گیا ۔

اس خبر کو بھی پڑھیں؛ بلوچستان میں شہید پاک فوج کے کرنل کی نماز جنازہ وہاڑی میں ادا

اس موقع پر پاک فوج کے سربراہ کا کہنا تھا کہ جب بھی میرا کوئی سپاہی شہید ہوتا ہے مجھے لگتا ہے جیسے میرے جسم کا ایک حصہ جدا ہو گیا ہے اور جس دن  کوئی فوجی شہید ہوتا ہے تو وہ رات گزارنا میرے لیے بہت مشکل ہوتا ہے تاہم وطن کے دفاع کیلیے کسی بھی قسم کی قربانی کیلیے پرعزم ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔