- علاقائی صورتحال کے تناظر میں ایرانی صدر کا دورہ انتہائی اہم ہے، وزیرداخلہ
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
اسلام آباد میں ہاکی اسٹیڈیم کو منصور احمد کے نام کرنے کا فیصلہ
کراچی: پاکستان اسپورٹس بورڈ کی ایگزیکٹو کمیٹی نے اسلام آباد میں ہاکی اسٹیڈیم کو لیجنڈ گول کیپر منصور احمد کے نام سے منسوب کرنے کا فیصلہ کیا ہے۔
وفاقی وزیر برائے بین الصوبائی رابطہ ریاض حسین پیرزادہ کی زیر صدارت ہونیوالے پاکستان اسپورٹس بورڈ کی ایگزیکٹو کمیٹی کے اجلاس میں کیا گیا ہے کہ پاکستان اسپورٹس بورڈ کی ایگزیکٹو کمیٹی نے قومی کھلاڑیوں کیلیے اسپورٹس انشورنش پالیسی لانے، اسلام آباد میں ہاکی اسٹیڈیم کو لیجنڈ گول کیپر منصور احمد کے نام سے منسوب کرنے، نارووال اسپورٹس کمپلیکس کیلیے پراجیکٹ ڈائریکٹر تعینات کرنے سمیت منصور احمد کے لواحقین کو 10لاکھ روپے کی گرانٹ جاری کرنے کی منظوری دے دی، نارووال اسپورٹس کمپلیکس پر نیب نے نہیں بلایا، نیب والے کسی کو بھی بلا سکتے ہیں جب بلائینگے تو پیش ہو جائیں گے۔
اجلاس میں وفاقی سیکریٹری بین الصوبائی رابطہ ابو عاکف، ڈائریکٹر جنرل پاکستان اسپورٹس بورڈ عامر علی احمد ، ڈپٹی ڈی جی ایڈمن منصور احمد خان سمیت ایگزیکٹو کمیٹی کے ارکان نے شرکت کی۔ اجلاس میں ہاکی لیجنڈ منصور احمد کی وفات پر افسوس کا اظہار کیا گیا اور کھلاڑیوں کی دوران علالت، حادثے کے پیش نظر قومی کھلاڑیوں کیلیے اسپورٹس انشورنش پالیسی لانے کا فیصلہ کیا گیا جس کے تحت تمام فیڈریشنز سے کھلاڑیوں کے نام لیے جائینگے اور اسٹیٹ لائف کے ذریعے ان قومی ایتھلیٹس کی انشورنس کروائی جائے گی۔
اجلاس میں لیجنڈ گول کیپر منصور احمد کے نام سے ہاکی اسٹیڈیم منسوب کرنے سمیت حکومت کی جانب سے منصور احمد کے اہلخانہ کو 10لاکھ روپے کی گرانٹ دینے کی منظوری دی گئی جبکہ بیڈمنٹن کی سابق پلیئر زرینہ وقار کے علاج کیلیے بھی 10لاکھ روپے کے فنڈز جاری کرنے کی منظوری دی گئی۔ اجلاس میں فیصلہ کیا گیا کہ پی ڈبلیو ڈی سے ڈیپوٹیشن پر نارووال اسپورٹس کمپلیکس کیلیے پراجیکٹ ڈائریکٹر اور پاکستان اسپورٹس بورڈ ہیڈ کوارٹرز کیلیے چیف انجینئر کی خدمات لی جائے گی۔
اجلاس کے بعد میڈیا سے گفتگو کرتے ہوئے وفاقی وزیر ریاض پیر زادہ نے کہاکہ اجلاس میں کھیلوں کے حوالے سے مختلف سفارشات کا جائزہ لیا گیا اور سائوتھ ایشین گیمز کی میزبانی کے حوالے سے بھی مختلف امور زیر غور آئے جبکہ وزیر اعظم شاہد خاقان عباسی نے سیف گیمز کے انعقاد کیلیے فنڈز بھی مختص کیے ہیں۔ انھوں نے بتایا کہ اجلاس میں گول کیپر منصور احمد کی خدمات کے پیش نظر ان کے نام سے ہاکی اسٹیڈیم منسوب کرنے کی منظوری دی گئی جبکہ ہم چاہتے ہیں کہ ہاکی میں کھویا ہوا مقام واپس لایا جائے۔
ریاض پیر زادہ نے مزید کہاکہ وزیر اعظم کی ہدایت ہے کہ اچھی کارکردگی دکھانے والی فیڈریشنز کو زیادہ فنڈز دیے جائے۔ انھوں نے کہاکہ کھیلوں کے مقابلوں کا انعقاد ملک کیلیے سود مند ثابت ہوگا۔
نارروال اسپورٹس کمپلیکس پر نیب کی انکوائری کے حوالے سے ریاض پیر زادہ نے کہاکہ نارووال اسپورٹس کمپلیکس پر نیب نے نہیں بلایا، نیب والے کسی کو بھی بلاسکتے ہیں جب بلائینگے تو پیش ہو جائینگے، انھوں نے کہاکہ پی ایس بی میں پارٹی بازی تھی جسے ٹھیک کر دیا گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔