تحریک انصاف نے حکومت کے پہلے 100 دن کا پلان تیار کرلیا

ویب ڈیسک  جمعـء 18 مئ 2018
پلان آئندہ ہفتے  پی ٹی آئی چیئرمین عمران خان جاری کریں گے۔۔ فوٹو : فائل

پلان آئندہ ہفتے پی ٹی آئی چیئرمین عمران خان جاری کریں گے۔۔ فوٹو : فائل

 اسلام آباد: تحریک انصاف نے مختلف شعبوں کے ماہرین کی مدد سے اپنی ممکنہ حکومت کے پہلے 100 دن کا پلان تیارکرلیا ہے۔

ایکسپریس نیوز کے مطابق تحریک انصاف نے آئندہ عام انتخابات میں ممکنہ کامیابی اور حکومت کے پہلے 100 دن کا پلان تیار کرلیا ہے۔ ذرائع کے مطابق مختلف شعبوں کے ماہرین کی مدد سے تیار کیا گیا پلان آئندہ ہفتے اسلام آباد میں پی ٹی آئی چیئرمین عمران خان جاری کریں گے۔

پلان میں معیشت کی بحالی، خارجہ محاذ پر تعلقات کے حوالے عملدرآمد کا لائحہ عمل، تعلیم صحت، روزگار، نواجوانوں اور خواتین سے متعلق عملی پالیسیوں کا اعلان ہوگا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔