بہاولنگر میں 6 سالہ بچی کا زیادتی کے بعد گلا کاٹ دیا گیا

معصوم نصرت گھر سے کھیلنے کے لیے نکلی تھی لیکن کچھ گھنٹوں بعد خالی پلاٹ سے اس کی لاش ملی

ویب ڈیسک May 19, 2018

معصوم نصرت گھر سے کھیلنے کے لیے نکلی تھی لیکن کچھ گھنٹوں بعد خالی پلاٹ سے اس کی لاش ملی فوٹو:فائل

HONG KONG: چک پنجکوسی میں کم سن بچی کو زیادتی کے بعد ٹوکے کے وار سے قتل کردیا گیا۔

بہاولنگر کے چک پنجکوسی میں افسوس ناک واقعہ پیش آیا ہے جہاں ایک 6 سالہ بچی کو زیادتی کے بعد لرزہ خیز انداز میں قتل کردیا گیا۔ پولیس کے مطابق معصوم نصرت گھر سے کھیلنے کے لیے نکلی تھی کہ لاپتہ ہوگئی اور کچھ گھنٹوں بعد علاقے میں خالی پلاٹ سے اس کی لاش برآمد ہوئی۔

بچی کے والد اشرف نے کہا کہ ان کی معصوم بچی کو زیادتی کے بعد قتل کیا گیا ہے، بچی گھر سے کھیلنے کیلئے نکلی تھی لیکن کچھ گھنٹوں بعد اس کی لاش ملی۔ بچی کے جسم پر زخموں کے کئی نشانات موجود ہیں اور اس کا تیز دھار آلے سے گلا کاٹا گیا ہے۔ واقعے کے بعد علاقے میں خوف و ہراس پھیل گیا۔ پولیس نے موقع پر پہچ کر لاش کو اسپتال منتقل کر دیا ہے اور تحقیقات شروع کردی ہیں۔