نواز شریف کو منی لانڈرنگ کے حق میں ایک مضحکہ خیز ترکیب سوجھی ہے، عمران خان

بنی گالا: چیئرمین پاکستان تحریک انصاف عمران خان کا کہنا ہے کہ نواز شریف کے مطابق ایون فیلڈ (لندن) جائیدادیں اُن کے بیٹوں کی ہیں مگر وہ نہیں جانتے کہ اُن کی خریداری کے لیے ان کے پاس پیسہ کہاں سے آیا؟ دراصل نواز شریف کو منی لانڈرنگ کے حق میں ایک مضحکہ خیز ترکیب سوجھی ہے۔

عمران خان نے ٹوئٹر پر نواز شریف کے بیان کو شرم ناک قرار دیتے ہوئے کہا کہ کتنے شرم کا مقام ہے کہ تین مرتبہ وزیر اعظم بننے والا شخص احتساب عدالت میں کہتا ہے کہ ایون فیلڈ (لندن) جائیدادیں اُن کے بیٹوں کی ہیں مگر وہ نہیں جانتے کہ اُن کی خریداری کے لیے رقم کہاں سے آئی؟ نواز شریف کے مطابق اُن کے بیٹے برطانوی شہری ہیں جن پر پاکستانی قانون لاگو نہیں ہوتا۔

Absolutely shameful! A thrice-elected PM today declared before NAB Court that the Avenfield Apts belonged to his sons and he didn't know where they got the money from! But as they are UK citizens the law of Pakistan does not apply to them acc to NS! Qatari letter also disowned.

— Imran Khan (@ImranKhanPTI) May 21, 2018

عمران خان نے اپنے ٹوئٹ میں کہا کہ نواز شریف آج قطری خط سے بھی دست بردار ہوگئے، سپریم کورٹ اور جے آئی ٹی میں دوسال پر محیط وقت اور عوام کے ٹیکسوں کا پیسہ ضائع کرنے کے بعد نواز شریف کو منی لانڈرنگ کے حق میں ایک مضحکہ خیز ترکیب سوجھی ہے۔

After wasting 2 yrs in SC & JIT as well as taxpayer money, NS now finds an absurd way to justify his money laundering. This means anyone, like Dar, can park his kids abroad along with his looted wealth & simply say he doesn't know where his kids money came from! https://t.co/EnV9yZc2zY

— Imran Khan (@ImranKhanPTI) May 21, 2018

چیئرمین پی ٹی آئی نے کہا کہ اس کا مطلب تو یہ ہوا کہ کوئی بھی چوری کرکے پیسہ اور بچے دونوں باہر بھجوا دے اور معصوم سی شکل بنا کر کہہ دے کہ اسے نہیں معلوم بچوں کے پاس پیسہ کہاں سے آیا۔