یمن میں اتحادی فوج کی بمباری، 51 باغی جاں بحق

صنعا: عرب اتحاد نے یمنی دارالحکومت صنعا میں کئی مقامات پر حوثی باغیوں کے ٹھکانوں پر شدید بمباری کرتے ہوئے51 باغیوں کو جاں بحق کردیا۔

عرب اتحادی فوج نے یمن کے دارالحکومت صنعا میں کئی مقامات پر حوثی باغیوں کے اسلحے کے مراکز اور ان کے عسکری کیمپوں پر شدید بمباری کی۔

صنعا کے جنوب مغربی ساحلی علاقوں میں طیاروں کی جانب سے بمباری سے قبل شہری آبادی پر پمفلٹ گرائے گئے جن میں شہریوں کو ہدایت کی گئی کہ وہ لڑائی کے علاقوں سے دور رہیں تاکہ انہیں کسی قسم کا جانی نقصان نہ پہنچے۔ 28 جنگجوؤں کو گرفتار بھی کرلیا گیا۔