ٹوئنٹی 20 میں بڑے شاٹس پر 8 رنز، ڈین جونز بھی تجویز کے حامی

ممبئی: سابق آسٹریلوی کرکٹر ڈین جونز نے ٹوئنٹی 20 میں بڑے شاٹس پر 8 رنزکی تجویز کی حمایت کردی۔

ڈین جونز کا کہنا ہے کہ اس سے مختصر ترین فارمیٹ میں دلچسپی زیادہ بڑھے گی بلکہ بیٹسمینوں کی جانب سے زیادہ بڑے شاٹس دیکھنے کو ملیں گے، ان کا کہنا تھا کہ اگر بیٹسمین گیند کو 85 میٹر کی دوری تک اچھالتے ہیں تو پھر اس پر چھکے کے بجائے 8 رنز ملنا چاہئیں، جس طرح گالف میں لوگ بڑے شاٹس پر ٹائیگر ووڈسز اور روی میکلروئے کو پسند کرتے ہیں اس طرح شائقین کرکٹ گیند کوکوسوں دور اچھالنے پر کرس گیل جیسے کرکٹرز کو بھی پسند کرتے ہیں۔