حسن رضا نے فکسنگ اسکینڈل کو اپنے خلاف سازش قرار دے دیا

لاہور: سابق پاکستانی کرکٹر حسن رضا نے فکسنگ اسکینڈل کو اپنے خلاف سازش قرار دے دیا۔

اپنے ایک بیان میں  حسن رضاکا کہنا ہے کہ مجھے اس معاملے میں پھنسانے کی کوشش کی گئی ہے، انہوں نے مجھے یہ کہہ کر بلایا تھا کہ پلیئرز کی خدمات حاصل کرنے کے لیے انہیں میری مدد درکار ہے۔ میں نے تو کھلاڑیوں کو یہ بتایا تھا کہ وہ اس معاملے میں نہ الجھیں، یہ میرے خلاف ایک سازش ہے۔

اس خبرکوبھی پڑھیں:  کرکٹ میں ایک اور بڑا اسکینڈل بے نقاب

واضح رہے کہ عرب ٹی وی کےرپورٹر نے فکسنگ اسٹنگ آپریشن کے ذریعے سری لنکا میں کرکٹ میچ فکسنگ کی نئی سازش بے نقاب کی ہے۔ رپورٹر نے سابق بھارتی کرکٹر رابن مورس اور گال اسٹیڈیم کے اسسٹنٹ مینجر تھرانگا اندیکا سے ہونےو الی گفتگو کو خفیہ کیمروں کے ذریعے ریکارڈ کیا جب کہ ان کے ساتھ پاکستان کے کم عمر ترین ٹیسٹ کرکٹر کا اعزاز پانے والے حسن رضا بھی موجود ہیں۔

اس خبرکوبھی پڑھیں: پچ فکسنگ اسیکنڈل میں پاکستانی کرکٹر حسن رضا کا نام بھی سامنے آگیا

حسن رضا اگرچہ گفتگو میں شریک نہیں ہوتے تاہم رابن مورس نے مجوزہ پلان کے دوران مثال دیتے ہوئے حسن رضا کا نام لیا۔