فرنچ اوپن: جوکووک کا سفر کوارٹر فائنل میں تمام

اے ایف پی/ویب ڈیسک  بدھ 6 جون 2018
مارکو کامیاب،تھیم نے زیوریف کوہرا دیا،کیزاوراسٹیفنز کی سیمی فائنل میں رسائی: فوٹو: فائل

مارکو کامیاب،تھیم نے زیوریف کوہرا دیا،کیزاوراسٹیفنز کی سیمی فائنل میں رسائی: فوٹو: فائل

پیرس:  فرنچ اوپن کے کوارٹر فائنل میں سابق چیمپئن نووک جوکووک  کا سفر تمام ہو گیا، انھیں ورلڈ نمبر72مارکو کیچانٹو نیٹھکانے لگا دیا، ڈومنیک تھیم نے فیورٹ الیگزینڈر زیوریف کومات دی، ویمنز سنگلز میں میڈیسن کیز اور سلون اسٹیفنز نے سیمی فائنل میں قدم رکھ دیے۔

تفصیلات کے مطابق ورلڈ نمبر72مارکو کیچانٹو نے فرنچ اوپن کے کوارٹر فائنل میں سابق چیمپئن نووک جوکووک کو زیر کر لیا، مارکو نے اعصاب شکن مقابلے میں 6-3، 7-6 (7/4)، 1-6 اور7-6(13/11) سے فتح کو اپنا مقدر بنایا، ڈومنیک تھیم نے سیمی فائنل تک پہنچنے کی ہیٹ ٹرک مکمل کرلی۔

انھوں نے کوارٹر فائنل میں فیورٹ جرمن اسٹار الیگزینڈر زیوریف کو 6-4 ، 6-2 اور6-1 سے قابو کیا، دوسری جانب ویمنز سنگلز میں 13 سیڈ امریکن پلیئر میڈیسن کیز نے قازقستانی حریف یولیا پوٹنٹسیوا کو 7-6 (7/5)، 6-4 سے مات دے کرپہلی بار سیمی فائنل میں قدم رکھ دیے، 10 سیڈ اسٹیفنز نے فائنل فور تک رسائی کے دوسرے معرکے میں روس کی ڈاریا کیساٹینکا کوٹھکانے لگایا، ان کی فتح کا اسکور6-3 اور6-1 رہا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔