افغانستان کو آج 12ویں ٹیسٹ ٹیم کا اعزاز مل جائے گا

خبر ایجنسی  جمعرات 14 جون 2018
ہماری ناتجربہ کار ٹیم کیلیے یہ ایک بہت بڑا چیلنج ہے، کپتان اصغر استنکزئی۔ فوٹو: فائل

ہماری ناتجربہ کار ٹیم کیلیے یہ ایک بہت بڑا چیلنج ہے، کپتان اصغر استنکزئی۔ فوٹو: فائل

بنگلور: افغانستان کو آج 12 ویں ٹیسٹ ٹیم کا اعزاز مل جائے گا۔

افغانستان کا آج بھارت سے تاریخی میچ کا آغاز بنگلور میں ہوگا، مہمان ٹیم اسپن اٹیک سے میزبان سائیڈ کو گھیرنے کی خواہاں ہے۔

کپتان اصغر استنکزئی نے کہاکہ ہماری ناتجربہ کار ٹیم کیلیے یہ ایک بہت بڑا چیلنج ہے تاہم اپنی تاریخ کے پہلے ٹیسٹ کے حوالے سے بالکل بھی نروس نہیں،اپنی پوری ٹیم اپنی صلاحیتوں کے اظہار کیلیے تیار ہے۔

دوسری جانب انجرڈ کوہلی کی جگہ سنبھالنے والے قائم مقام کپتان اجنکیا راہنے نے کہاکہ ہم افغانستان کو کسی بھی صورت آسان شکار سمجھنے کی غلطی نہیں کرسکتے، کامیابی کیلیے بھارت کو پوری قوت سے مہمان سائیڈ پر حملہ آور ہونا ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔