پی آئی اے کے طیارے کی دوران پرواز فنی خرابی کے باعث ہنگامی لینڈنگ

ویب ڈیسک  پير 18 جون 2018
جہاز کو مرمت کے لیے ہینگر میں منتقل کیا جائے گا ،ذرائع فوٹو: فائل

جہاز کو مرمت کے لیے ہینگر میں منتقل کیا جائے گا ،ذرائع فوٹو: فائل

 کراچی: رحیم یار خان جانے والے پی آئی اے کے مسافر طیارے کو دوران پرواز فنی خرابی کے باعث جناح ایئرپورٹ پر ہنگامی لینڈنگ کرنا پڑ گئی۔

ایکسپریس نیوز کے مطابق پی آئی اے کی پرواز پی کے 582 کراچی ایئر پورٹ سے رحیم یار خان روانہ ہوئی تھی تاہم دوران پرواز فنی خرابی کے باعث طیارے کو دوبارہ کراچی ایئرپورٹ پر ہی لینڈ کرنا پڑگیا۔

دوبارہ لینڈنگ پر طیارے میں سوار مسافروں میں بے چینی پھیل گئی اور انہوں نے رن وے پر ہی شور شرابہ شروع کردیا۔ انہوں نے دوبارہ خراب طیارے میں جانے سے انکار کردیا۔ پی آئی اے ذرائع کا کہنا ہے کہ جہاز کو مرمت کے لیے ہینگر میں منتقل کیا جائے گا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔