بھارت میں چوہوں نے 12 لاکھ روپے کے نوٹ کتر ڈالے

آسام: بھارتی ریاست آسام میں چوہوں نے اے ٹی ایم میں موجود 12 لاکھ روپے سے زائد  مالیت کے نوٹ کُتر دیے۔

بھارت کی شمال مشرقی ریاست آسام میں جب اسٹیٹ بینک آف انڈیا کی ایک خراب اے ٹی ایم کو ٹھیک کرنے کے لیے کھولا گیا تو ٹیکشینز کی یہ دیکھ کر حیرت کی انتہا نہ رہی کہ مشین میں موجود 12 لاکھ روپے سے زائد کے نوٹ کترے ہوئے پڑے تھے۔

بھارتی میڈیا کے مطابق پولیس کا کہنا ہےکہ شاید چوہے وائرنگ کے لیے بنے ہوئے سوراخ کے راستے مشین میں داخل ہوئےاور وہاں موجود تمام کرنسی نوٹ کُتر ڈالے۔ مشین گزشتہ 12 روز سے خراب تھی۔ اے ٹی ایم مشین میں کُترے ہوئے نوٹوں کی تصاویر سوشل میڈیا پر وائرل ہوگئیں اوربڑے پیمانے پر شیئر کی جارہی ہیں۔

Yes! The rat did a fine job of making a very expensive nest worth 12 lakhs pic.twitter.com/SglTeV1Xum

— Karma Paljor (@Karma_Paljor) June 18, 2018

اے ٹی ایم چینل مینجر چندن شرما کا کہنا ہے کہ مشین میں 29 لاکھ روپے موجود تھے  چوہوں نے 12 لاکھ 38 ہزار مالیت کے نوٹوں کونقصان پہنچایا اور تقریباً 17 لاکھ روپے بچ گئے۔