- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
مکی آرتھر غیر مستقل مزاجی کا لیبل اتارنے کے خواہاں
لاہور: ہیڈ کوچ مکی آرتھر غیر مستقل مزاجی کا لیبل اتارنے کے خواہاں ہیں۔
ایک انٹرویو میں مکی آرتھر نے کہا ہے کہ دورئہ آئرلینڈ اور انگلینڈ شروع ہونے سے قبل ٹیسٹ ٹیم سے ایک میچ بھی جیتنے کی توقع نہیں کی جارہی تھی،ناتجربہ کاری کے باوجود کرکٹرز نے 2مقابلوں میں کامیابی حاصل کی، ہمیں مزید بہتر نتائج کیلیے محنت کرنا اور دیگر ملکوں کی سرزمین پر فتوحات حاصل کرنا ہیں، لیڈز ٹیسٹ کا نتیجہ مایوس کن تھا لیکن اس بات کو پیش نظر رکھنا چاہیے کہ پاکستان ٹیم نوجوان کھلاڑیوں پر مشتمل ہے اس لیے کارکردگی میں عدم تسلسل سامنے آرہا ہے۔
کوچ نے کہا کہ اچھی بات ہے کہ اپنی غلطیوں سے سبق سیکھتے ہوئے آگے بڑھ رہے ہیں، مستقل مزاجی بھی ضرور آئے گی، اسد شفیق اور اظہر علی کی صلاحیتوں پر بھروسہ ہے، بابر اعظم اور حارث سہیل بھی بیٹنگ کا بوجھ اٹھانے کے قابل ہیں، ورلڈ کپ 2019کی تیاری کیلیے بڑے منظم انداز میں تیاری کرنا ہوگی، میری کوشش ہے کہ پیس بیٹری پوری قوت کے ساتھ حریفوں کی ہمت آزمانے کیلیے تیار ہو،اس مقصد کیلیے کھلاڑیوں کا سپر فٹ ہونا ضروری ہے۔
آرتھر نے کہا کہ محمد عامر پر بوجھ کم کرنے کیلیے چیف سلیکٹر انضمام الحق کے ساتھ مشاورت کرتے ہوئے پلان وضع کیا جائے گا،اس بارے میں سلیکشن کمیٹی اور متعلقہ کھلاڑی کو بھی اعتماد میں لیا جائے گا،مجموعی طور پر ٹیم کی سوچ میں تبدیلی لانے میں کامیاب ہوئے ہیں،میگا ایونٹ تک بہتری کی جانب سفر جاری رکھنا ہوگا۔
انھوں نے کہا کہ احمد شہزادکی ورلڈالیون کیخلاف کارکردگی اچھی تھی، بعد ازاں نیوزی لینڈ اور سری لنکا میں بھی انھوں نے مناسب کھیل پیش کیا، کراچی میں ویسٹ انڈیز کیخلاف سیریز کے دوران ٹیم کمبی نیشن کی وجہ سے میچز کھیلنے کا موقع نہیں ملا، ان کو مواقع دینے کے حق میں ہوں تاہم ان کو خود بھی اندازہ ہوگا کہ ٹیم میں جگہ پکی رکھنے کیلیے پرفارمنس دکھانا کتنا ضروری ہے۔
ایک سوال پر آرتھر نے کہا کہ فواد عالم کی ٹیسٹ ٹیم میں جگہ نہیں بن رہی، اظہر علی اور امام الحق کے بعد بابر اعظم، حارث سہیل اور اسد شفیق ہیں،پاکستان 5ریگولر بیٹسمینوں کے ساتھ میدان میں اتر رہا ہے، اس صورتحال میں فواد عالم کو کہاں کھلایا جائے، یہ ایک مشکل سوال ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔