5 سال میں (ن) لیگ نے ملکی معیشت تباہ کی اور چلتی بنی، عمران خان

بنی گالہ: چیئرمین تحریک انصاف عمران خان کا کہنا ہے کہ 5 سال میں (ن) لیگ نے ملکی معیشت کی ساکھ تباہ کی اور چلتی بنی تاہم نگراں حکومت قوم کو ملکی معیشت کی حقیقی صورتحال سے آگاہ کرے۔

چیئرمین تحریک انصاف عمران خان کا کہنا ہے کہ عالمی منڈی میں تیل کی قیمتیں گرنے سے پاکستان کو اربوں ڈالرز کی بچت ہوئی تاہم اس کے باوجود (ن) لیگ نے معیشت کا حلیہ بگاڑ کررکھ دیا، (ن) لیگ پاکستان کو ریکارڈ مالیاتی خسارہ دے کر گئی۔

نون لیگ پاکستان کو ریکارڈ مالیاتی خسارے، ریکارڈ کرنٹ اکاؤنٹ خسارے، زرمبادلہ کے کم ترین ذخائر، بلند ترین گردشی قرضے، ریاستی کمپنیوں میں نقصان کی بلند ترین شرح، قرضوں کی بلحاظ جی ڈی پی 70 فیصد جیسی بلند ترین شرح اور گرتی ہوئی ساکھ جیسے تحفے دیکر چلی گئی۔

— Imran Khan (@ImranKhanPTI) June 22, 2018

چیئرمین تحریک انصاف کا کہنا تھا کہ ریکارڈ کرنٹ اکاؤنٹ خسارہ اور زرمبادلہ کے کم ترین ذخائر (ن) لیگی حکومت کا تحفہ ہیں، بلند ترین گردشی قرضے، ریاستی کمپنیوں میں نقصان (ن) لیگ کا کارنامہ ہے، 5 سال میں (ن) لیگ نے ملکی معیشت کی ساکھ تباہ کی اور چلتی بنی۔

عالمی منڈی میں تیل کی قیمتیں گرنے سے پاکستان کو ہونے والی اربوں ڈالرز کی بچت کے باوجود معیشت کا یہ حال ہوا۔ نون لیگ نے کیا ہی کمال کارکردگی کا مظاہرہ کیا! https://t.co/KErvw7kHey

— Imran Khan (@ImranKhanPTI) June 22, 2018

عمران خان نے کہا کہ کرنٹ اکاؤنٹ خسارہ گیارہ ماہ میں 16 ارب ڈالرز کی ریکارڈ سطح تک جاپہنچا جب کہ موڈیز کی جانب سے پاکستان کی ریٹنگ منفی قراردی گئی، گزشتہ برس کے مقابلے میں غیر ملکی سرمایہ کاری میں بھی گراوٹ ہوئی، معاشی ترقی تو ساری اشتہارات تک ہی محدود رہی لہذا نگراں حکومت قوم کو ملکی معیشت کی حقیقی صورتحال سے آگاہ کرے۔

ترقی تو ساری اشتہارات تک ہی محدود رہی۔

نگران حکومت قوم کو ملکی معیشت کی حقیقی صورتحال سے آگاہ کرے۔ https://t.co/oh4TN24TXR

— Imran Khan (@ImranKhanPTI) June 22, 2018