- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
اورنگی میں قلت آب سے تنگ مکین سڑکوں پر آگئے
کراچی: اورنگی ٹاؤن میں پانی کے ستائے سیکڑوں شہری سراپا احتجاج بن گئے.
کورنگی ساڑھے 11 نمبر اور بنارس چوک کے مکین پانی نہ ملنے پر سڑکوں پر نکل آئے احتجاج میں خواتین بزرگ، بچے بھی پانی کی عدم فراہمی کے خلاف نعرے لگاتے رہے اورنگی ٹاؤن کے علاقے ساڑھے 11 نمبر پر کئی ماہ سے پانی کی فراہمی معطل ہے جس پر علاقہ مکینوں نے ٹائر جلا کر ایک بار پھر احتجاج کیا۔
پانی نہ ملنے پر اورنگی ٹاؤن ساڑھے 11 نمبر کے علاقہ مکینوں نے جمعہ کو سڑک پر احتجاج کیا جس میں خواتین بزرگ اور بچے بھی شامل تھے، مظاہرین نے ہاتھوں میں پانی کے برتن اٹھائے واٹر بورڈ کے خلاف شدید نعرے بازی کی.
علاقہ مکینوں نے بتایا کہ 2 ماہ سے پانی نہیں فراہم کیا جارہا علاقہ مکین شدید اذیت سے دوچار ہیں بچوں کو اسکول بھیجنے اور روزمرہ کے کام شدید متاثر ہورہے ہیں مکینوںکا مزید کہنا تھا کہ لائنوں سے جو پانی آتا ہے وہ آلودہ ہے جس کی وجہ سے مکین پیٹ کے مختلف امراض میں مبتلا ہیں۔ قلت آب کی شکایات واٹر بورڈ کے دفتر جاکر کیں لیکن کوئی شنوائی نہیں ہورہی۔
بلدیاتی نمائندے بھی پانی کا مسئلہ حل نہ کرسکے، علاقہ مکینوں نے بتایا کہ ہمارا پانی چھین کر ٹینکرز مافیا کو دیا جاتا ہے اور ہمیں پانی خریدنے پر مجبور کیا جارہا ہے، پانی جیسی بنیادی ضرورت سے ہمیں محروم کیا جارہا ہے ہم اتنا مہنگا پانی خریدنے کی سکت نہیں رکھتے، سیاسی رہنما صرف ووٹ لینے آتے ہیں شہریوں کے مسائل سے انھیں سروکار نہیں۔
مظاہرین نے کہا کہ اب اگر کوئی سیاست دان علاقے میں ووٹ مانگنے آیا تو ہم ان کا جھاڑو سے استقبال کریں گے اب ہم سے کوئی ووٹ کی امید نہ رکھے، اگر پانی کی فراہمی جلد بحال نہ کی گئی تو احتجاج کا دائرہ وسیع کردیں گے۔
مظاہرین نے احتجاج کے دوران سڑک بند کردی جس سے گاڑیوں میں سوار مسافروں کو شدید پریشانی کا سامنا رہا، بنارس چوک پر بھی پانی کی بندش کے خلاف علاقہ مکین سڑکوں پر نکل آئے مظاہرین نے گاڑیوں پر پتھراؤ کرکے سڑک بلاک کردی۔
مظاہرین کا کہنا تھا کہ بنارس چوک ، پٹھان کالونی اور اس کے اطراف کے علاقوں میں پانی کی فراہمی کئی ماہ سے بند ہے واٹر بورڈ کے کرپٹ افسران اورنگی ٹاؤن میں واٹرٹینکر کے ذریعے پانی مہنگے داموں فروخت کررہے ہیں پولیس کی یقین دہانی پر مظاہرین نے احتجاج ختم کردیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔