- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
قطر نے پاکستانی خوراک کی درآمد بڑھانے کا فیصلہ کرلیا
اسلام آباد: قطر نے عرب ممالک کی جانب سے عائد پابندیوں کے بعد پاکستان سے اشیائے خوردونوش کی مصنوعات کی درآمدات بڑھانے کا فیصلہ کیا ہے۔
وزارت تجارت کے ذرائع کے مطابق عرب ممالک کی جانب سے قطر پر پابندیاں عائد کرنے کے بعد قطر کو کافی مشکلات کا سامنا ہے اور اس صورتحال سے نمٹنے اور اپنی ضروریات کو پورا کرنے کے لیے دوحہ نے دیگر مسلم ممالک سے درآمدات بڑھانے کا فیصلہ کیا ہے۔
ذرائع کے مطابق قطر نے پاکستان سے اشیائے خوردونوش کی درآمدات بڑھانے کا فیصلہ کیا ہے اور اس سلسلے میں قطر کے کاروباری افراد پر مشتمل اعلیٰ سطح کا وفد اپنے وزیر تجارت کی سربراہی میں جولائی کے پہلے ہفتے میں پاکستان کے دو روزہ دورے پر آئے گا۔
ذرائع کے مطابق قطری وفد میں مختلف بڑی کمپنیوں کے نمائندگان شامل ہوں گے جو یہاں پر مختلف بڑی کمپنیوں اور تاجربرادری سے مصنوعات کی درآمد کے حوالے سے بات چیت کریں گے۔
ذرائع کے مطابق قطر کی جانب سے پاکستانی مصنوعات کی خریداری میں دلچسپی کا اظہار کیا گیا تھا اور کاروباری افراد کے دورے کے بعد ہی حکومتی سطح پر بھی اس سلسلے میں پیش رفت کا امکان ہے۔ یہ 2 روزہ مذکرات نجی شعبے کی سطح پر ہوں گے تاہم وزارت تجارت ان مذکرات کے لیے تعاون فراہم کرے گی، وفد کی نگراں وزیر تجارت شمشاد اختر سے بھی ملاقات کا امکان ہے۔
ذرائع کے مطابق قطری وفد کا یہ دورہ انتہائی اہم ہے کیونکہ قطر میں اشیائے خوردونوش کی مصنوعات کی بہت کھپت ہے اور قطر پاکستانی برآمد کنندگان کے لیے بڑی منڈی ثابت ہوسکتاہے، وفد گوشت، پھل، سبزیوں، پولٹری وپولٹری مصنوعات، محفوظ شدہ خوراک، دودھ و ڈیری مصنوعات اور دیگر اشیائے خوردونوش کی پاکستان سے قطر کو برآمدات بڑھانے پر بات چیت کی جائے گی۔
واضح رہے کہ رواں مالی سال پاکستان کی قطر کو برآمدات میں نمایاں اضافہ ہوا ہے، جولائی سے جنوری تک قطر کو پاکستانی برآمدات میں 64فیصد کا اضافہ ریکارڈ کیاگیا، مذکورہ دورے کے بعد پاکستانی برآمدات میں مزید اضافے کا امکان ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔