واشنگٹن میں استاد شفقت علی خان سفیر برائے امن منتخب

لاہور: عالمی شہرت یافتہ کلاسیکل گائیک اُستاد شفقت علی خان کو واشنگٹن میں سفیر برائے امن کے لیے منتخب کیا گیا ہے۔

شام چوراسی گھرانے کے عالمی شہرت یافتہ کلاسیکل گائیک اُستاد شفقت علی خان آج کل امریکا کے دورے پر ہیں۔ ان کو واشنگٹن میں سفیر برائے امن کے لیے منتخب کیا گیا ہے۔ آج یونیورسل پیس فیڈریشن جو کہ دی واشنگٹن پوسٹ فیڈریشن اور دی کامن گراؤنڈز یو ایس اے کے تحت کام کرتی ہے، نے ایک تقریب کا اہتمام کیا ہے۔ یہ تقریب امریکن لیڈر شپ کانفرنس کے دوران ہو گی۔

اپنے خط میں فیڈریشن نے لکھا ہے کہ فیڈریشن کو فخرہے کہ پاکستان کے استاد شفقت علی خان کو سفیر بنانے کی تقریب ہو رہی ہے۔ استاد شفقت نے پاکستانی قوم اور خصوصا اپنے پرستاروں کے نام ایک پیغام میں کہا ہے کہ انھوں نے اپنی گائیکی کے ذریعے امن کا پیغام اوردنیا میں پاکستان کی سوفٹ امیج پیش کی ہے۔ اللہ پاک کا شکر ہے کہ امن کے لیے میری کوششیں اب بین الاقوامی سطح پربھی سراہا جارہا ہے۔