شمالی وزیرستان میں فوجی دستے پر دہشت گردوں کا حملہ، فوجی جوان شہید

 راولپنڈی: شمالی وزیرستان میں فوجی دستے پر دہشت گردوں کے حملے کے نتیجے میں فوجی جوان شہید ہوگیا۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں پاک افغان بارڈر پر باڑ لگانے کے دوران فوجی دستے پر سرحد پار سے دہشت گردوں کے حملے کے نتیجے میں فوجی جوان سپاہی نیازعلی شہید ہوگئے، 29 سالہ شہید سپاہی نیازعلی ضلع مردان کے رہائشی اور شادی شدہ تھے۔

آئی ایس پی آر کے مطابق بارڈر پر باڑ لگانے کا کام بنا کسی رکاوٹ کے جاری رہے گا جب کہ باہمی مفاد میں افغانستان کے تعاون کی ضرورت ہے۔

پاک افغان بارڈر پر مجموعی طور پر 2611 کلومیٹر پر باڑ لگائی جانی ہے، اب تک 255 کلومیٹر بارڈر پر باڑ لگائی جا چکی جب کہ397  کلومیٹر بارڈر پر باڑ لگانے کا عمل جاری ہے جو دسمبر 2019 تک مکمل ہوگا۔

Another son of soil sacrificed his life while making Pak-Afg bdr safe/inaccessible for terrorists. Sep Niaz Ali embraced Shahadat due to fire from across on fencing party in North Waziristan. We shall IA complete fencing undeterred. Afg cooperation required in mutual interest. pic.twitter.com/yRApc8MVGR

— Maj Gen Asif Ghafoor (@OfficialDGISPR) June 24, 2018

واضح رہے کہ گزشتہ روز بھی جنوبی وزیر ستان کے علاقے لدھا میں دہشت گردوں کی موجودگی کی اطلاع پر کی گئی کارروائی کے دوران 6 دہشت گرد ہلاک جب کہ پاک فوج کے 2 جوان شہید ہوگئے تھے۔