ایران گندم میں خودکفیل، پیداوار 1 کروڑ ٹن سے تجاوز

ایران میں 2014 کے سروے کے مطابق زرعی زمین کا مجموعی رقبہ 1 کروڑ 64لاکھ 77 ہزار ایکڑ پر مشتمل ہے۔

خبر ایجنسی اتوار 8 جولائی 2018

ایران میں 2014 کے سروے کے مطابق زرعی زمین کا مجموعی رقبہ 1 کروڑ 64لاکھ 77 ہزار ایکڑ پر مشتمل ہے۔ فوٹو : فائل

تہران: ایران نے کہا ہے کہ رواں سال ملک میں 1 کروڑ 2 لاکھ ٹن گندم پیداہوئی ہے جس کے بعد اب اس جنس کی درآمد کی ضرورت نہیں۔

ایران کے نائب وزیر زراعت عباس کشاورز نے ایران کے شمال مغربی علاقے ہشترود میں گندم کے کھیتوں کے دورے کے موقع پر گفتگو کرتے ہوئے کہا کہ رواں سال ملک میں1 کروڑ2 لاکھ ٹن گندم کی پیداوار ہوئی جس کے بعد ایران کو اب گندم کی درآمدات کی ضرورت نہیں ہوگی بلکہ ہم جلد گندم برآمد کرنے والا ملک بن جائیں گے۔

اس موقع پر انہوں نے کہا کہ ایران کی خوشحالی صرف اجتماعی تعاون سے ممکن ہے اور اس سال کاشت کاروں، ماہرین اور زرعی محقیقین کے ساتھ مل کر گندم میں خود کفیل ہونے کا جشن منائیں گے۔

عباس کشاروز نے کہا کہ اب ہمیں گندم درآمد کرنے کی ضرورت نہیں بلکہ خودانحصاری کی پوزیشن حاصل کرنے کے علاوہ ہم جلد گندم برآمد کرسکیں گے۔ ایران میں 2014 کے سروے کے مطابق زرعی زمین کا مجموعی رقبہ 1 کروڑ 64لاکھ 77 ہزار ایکڑ پر مشتمل ہے جس پر ہزاروں افراد زرعی سرگرمیوں میں مصروف ہیں۔