شاہد آفریدی اور سلمان خان کی ملاقات کی تصاویر وائرل

اسپورٹس ڈیسک  پير 9 جولائ 2018
کمیونٹی کے دیگر ارکان کے ساتھ سلمان خان سے مل کر بہت اچھا لگا،شاہد آفریدی ۔فوٹو: سوشل میڈیا

کمیونٹی کے دیگر ارکان کے ساتھ سلمان خان سے مل کر بہت اچھا لگا،شاہد آفریدی ۔فوٹو: سوشل میڈیا

قومی کرکٹ ٹیم کے سابق اسٹار آل راؤنڈر شاہد آفریدی اور بالی ووڈ اسٹار سلمان خان کے درمیان ملاقات کی تصاویر سوشل میڈیا پر تیزی سے وائرل ہورہی ہیں۔

قومی کرکٹ ٹیم کے سابق کپتان شاہد آفریدی نے کینیڈا کے شہر ٹورنٹو میں ایک تقریب کے دوران بالی ووڈ سلطان سلمان خان سے ملاقات کی، اور ملاقات کی تصاویر سوشل میڈیا پر بھی شیئر کیں جو تیزی سے وائرل ہورہی ہیں۔

تصاویر میں دونوں کو گفتگو کرتے ہوئے دیکھا جا سکتا ہے، بوم بوم نے تصاویر کے ساتھ لکھا کہ ”کمیونٹی کے دیگر ارکان کے ساتھ سلمان خان سے مل کر بہت اچھا لگا، ان کیلیے میری نیک خواہشات۔“

واضح رہے کہ شاہد آفریدی گلوبل ٹی ٹوئنٹی کرکٹ ٹورنامنٹ میں ایڈمنٹن رائلز کی نمائندگی کیلیے کینیڈا میں موجود ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔