ایم ایم اے کی طرف سے 100 خواتین امیدوار نامزد

اسلام آباد: عام انتخابات 2018 میں متحدہ مجلس عمل کی جانب سے تقریباً100خواتین امیدواروں کو ٹکٹ دیئے گئے ہیں۔

عام انتخابات 2018 میں مذہبی جماعتوں کے سیاسی اتحادمتحدہ مجلس عمل کی جانب سے قومی و صوبائی سطح پرجنرل اورمخصوص نشستوں کیلئے تقریباً100خواتین امیدواروں کو ٹکٹ دیئے گئے، ایم ایم اے کی طرف سے قومی اسمبلی کی 33 جنرل اور 27 مخصوص نشستوں، پنجاب اور پختونخوا میں مجموعی طور پر 17،17، سندھ میں 14 اور بلوچستان میں 11 جنرل و مخصوص نشستوں پر خواتین انتخابات میں حصہ لے رہی ہیں۔