- وزیرداخلہ کا غیرموثر، زائد المیعاد شناختی کارڈز پر جاری سمزبند کرنے کا حکم
- راولپنڈی میں روٹی کی قیمت کے مسئلے پر نان بائیوں کی مکمل ہڑتال
- کراچی میں گھر کے زیر زمین پانی کے ٹینک سے خاتون کی لاش ملی
- سندھ میں گیس کا ایک اور ذخیرہ دریافت
- لنکن ویمنز ٹیم نے ون ڈے کرکٹ میں تاریخ رقم کردی
- ٹیم ڈائریکٹر کے عہدے سے کیوں ہٹایا گیا؟ حفیظ نے لب کشائی کردی
- بشریٰ بی بی کی بنی گالہ سب جیل سے اڈیالہ جیل منتقلی کی درخواست بحال
- کمر درد کے اسباب اور احتیاطی تدابیر
- پھل، قدرت کا فرحت بخش تحفہ
- بابراعظم کی دوبارہ کپتانی؛ حفیظ کو ٹیم میں گروپنگ کا خدشہ ستانے لگا
- پاک نیوزی لینڈ سیریز؛ ٹرافی کی رونمائی کردی گئی
- اپنے دفاع کیلیے جو ضروری ہوا کریں گے ، اسرائیل
- ہر 5 میں سے 1 فرد جگر کی چربی سے متعلقہ بیماری میں مبتلا ہے، تحقیق
- واٹس ایپ نے چیٹ فلٹر نامی نیا فیچر متعارف کرادیا
- خاتون کا 40 دن تک صرف اورنج جوس پر گزارا کرنے کا تجربہ
- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی20 ورلڈکپ: کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
آج ہم قائد کے پاکستان نہیں ’’مسائلستان‘‘میں زندگی بسر کر رہے ہیں، لیلیٰ
لاہور: معروف اداکارہ لیلیٰ نے کہا ہے کہ قائداعظم نے جس پاکستان کی بنیاد رکھی تھی آج ہم قائد کے پاکستان میں نہیں بلکہ ’’مسائلستان‘‘ میں زندگی بسر کررہے ہیں۔
’’ایکسپریس‘‘سے گفتگوکرتے ہوئے لیلیٰ نے کہا کہ غریب لوگ مختلف امراض میں مبتلا ہوکرمر رہے ہیں مگرحکمران سب اچھا ہے کا راگ آلاپ لگا رہے ہیں۔ پاکستان کی موجودہ صورتحال انتہائی تشویشناک ہوچکی ہے۔ ملک پربیرونی قرضے اس قدر بڑھ چکے ہیں کہ ہر پاکستانی اس کامقروض ہوچکا ہے لیکن ہمارے سیاستدانوں کے بینک بیلنس،جائیدادوں میں مسلسل اضافہ ہوتا چلاجا رہا ہے۔
لیلیٰ نے کہا کہ پاکستان فلم انڈسٹری تباہی کے دہانے پرکھڑی ہے مگرہمارے حکمرانوںکے پاس اس کی بحالی کیلیے کوئی وقت ہی نہیں رہا۔اس شعبے سے وابستہ ہزاروں،لاکھوں لوگ بے روزگارہوچکے ہیں اوربہت سے پریشانی کی وجہ سے مخلتف امراض میں مبتلا ہورہے ہیں مگرکوئی اس طرح نہیں دیکھتا۔ لوگوں کو انٹرٹین کرنے والے لوگ خود تماشا بنے ہوئے ہیں۔ لوگ ان کی طرف دیکھ کر آوازیں کستے ہیں، جو اب برداشت نہیں ہوتا۔
اداکارہ نے کہا کہ بجلی اورگیس کی لوڈ شیڈنگ نے ہماری انڈسٹری تباہ کردی ہے۔ وہاں پرایک طرف تو پروڈکشن بند ہوچکی ہے اوردوسری جانب ملازمین کی بڑی تعداد کوکام نہ ہونے کی وجہ سے نوکریوں سے فارغ کردیا گیا ہے۔
لیلیٰ کا کہنا تھا کہ لوگ بے روزگاری کی وجہ سے احتجاج کررہے ہیں،دھرنا دے رہے ہیں، مگرہمارے حکمرانوں کو کوئی فرق نہیں پڑتا۔ اسی طرح پاکستان فلم انڈسٹری کوبھی سوچی سمجھی سازش کے تحت تباہ کیا گیا اورکسی نے اس کیلیے کچھ نہیں کیا۔ مگراب خاموش رہنے کا نہیں بلکہ آواز بلند کرنے کا وقت آچکا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔