اینڈی رچرڈز پاکستان ویمن کرکٹ ٹیم کے اسسٹنٹ کوچ مقرر

 لاہور: اینڈی رچرڈزکو پاکستان ویمن کرکٹ ٹیم کا بیٹنگ کنسلٹنٹ اور اسسٹنٹ کوچ مقرر کردیا گیا ہے۔

پاکستان کرکٹ بورڈ نے اینڈی رچرڈزکو پاکستان ویمن کرکٹ ٹیم کا بیٹنگ کنسلٹنٹ اور اسسٹنٹ کوچ مقرر کردیا گیا ہے۔ اینڈی آئی سی سی ویمنز کرکٹ چیمپئن شپ راﺅنڈ 3 میں پاکستان اور آسٹریلیا کے مابین سیریز، ویسٹ انڈیز میں شیڈول ویمنز ورلڈ ٹی ٹوئنٹی، آئی سی سی ویمن کرکٹ چیمپئن شپ راﺅنڈ 4 (پاکستان بمقابلہ ویسٹ انڈیز)، راﺅنڈ 5 (پاکستان بمقابلہ جنوبی افریقہ) میں قومی ٹیم کے ساتھ ذمہ داریاں انجام دیں گے۔

PCB appoints Andy Richards as Assistant Coach & Batting Consultant of Pakistan Women team. https://t.co/5m5LAHeDpx

— PCB Official (@TheRealPCB) July 11, 2018

واضح رہے کہ اینڈی رچرڈز ویمن کرکٹ کے حوالے سے وسیع تجربہ رکھتے ہیں۔ وہ کوئنز لینڈ کرکٹ میں خواتین ونگ کے منیجر کے طور پر ذمہ داریاں انجام دے رہے ہیں جبکہ اس سے قبل کوئنز لینڈ فائر اور برسبین ہیٹ کے ہیڈ کوچ بھی رہ چکے ہیں۔