نواز شریف، مریم اور صفدر کے خلاف ناحق فیصلہ آیا، والدہ نوازشریف

ویب ڈیسک  جمعرات 12 جولائ 2018
نوازشریف،  مریم نواز اور کیپٹن صفدر بے گناہ ہیں اللہ تعالیٰ ان کی حفاظت کرے گا، شمیم اختر : فوٹو: فائل

نوازشریف، مریم نواز اور کیپٹن صفدر بے گناہ ہیں اللہ تعالیٰ ان کی حفاظت کرے گا، شمیم اختر : فوٹو: فائل

لاہور: سابق وزیراعظم نوازشریف کی والدہ بیگم شمیم اخترکا کہنا ہے کہ کل میرا بیٹا پاکستان کا بیٹا جس نے پاکستان کو روشن بنایا واپس آرہا ہے ۔

سابق وزیراعظم نوازشریف کی والدہ شمیم اختر نے اپنے ویڈیو بیان میں کہا ہے کہ  نواز شریف مریم نواز اور صفدر کے خلاف ناحق فیصلہ آیا، میرا ایمان ہے کہ تینوں بے قصور ہیں، ظالموں کو اللہ کے خوف سے ڈرنا چاہیے۔

بیگم شمیم اخترکا کہنا تھا کہ کل میرا بیٹا نواز شریف جس نے اس ملک کو روشن کیا مجھ سے ملنے آرہا ہے، نوازشریف،  مریم نواز اور کیپٹن صفدر بے گناہ ہیں اللہ تعالیٰ ان کی حفاظت کرے گا، میں ان تینوں کو جیل نہیں جانے دوں گی اور اگر میرے بچوں کو جیل بھیجا گیا تو میں بھی ساتھ جاؤں گی۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔