- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
فٹبال ورلڈ کپ؛ فرانس اور کروشیا دونوں جیت کے خواہاں
فٹبال پسندیدگی کے لحاظ سے دنیا کا نمبر ون کھیل ہے، اور جب بات ہو فٹبال ورلڈ کپ کی تو شائقین میں جوش و خروش انتہاؤں پر نظر آتا ہے۔ فٹبال ورلڈ کپ 2018 کے میچز آخری مراحل میں داخل ہوچکے ہیں اور اب پوری دنیا کو فائنل کا انتظار ہے جس میں فرانس اور کروشیا کی ٹیمیں جیت کے لیے میدان میں اتریں گی۔ میچز کے پہلے سیمی فائنل میں بیلجیم کو ہرا کر فرانس پہلے ہی فائنل کے لیے کوالیفائی کرچکا تھا جب کہ بدھ کو ہونے والے دوسرے سیمی فائنل میں کروشیا نے انگلینڈ کو 2-1 سے ہرا کر فائنل میں جگہ بنائی ہے۔
پچھلے کچھ ہفتوں سے تقریباً ساری دنیا میں شائقین فٹبال ان سنسنی خیز مقابلوں سے لطف اندوز ہوتے رہے ہیں۔ اس سال فٹبال ورلڈ کپ کے میچز میں بہت سے اپ سیٹ ہوئے، کئی نئی ٹیموں نے بہترین کارکردگی کا مظاہرہ کیا جب کہ پرانی اور منجھی ہوئی ٹیمیں ابتدائی راؤنڈز میں ہی گیم سے باہر ہوگئیں۔ کروشیا نے پہلی بار ورلڈ کپ کے فائنل تک رسائی حاصل کی ہے۔
تجزیہ کار فرانس اور کروشیا کے درمیان ہونے والے فائنل کو ایک ٹف اور برابر کا مقابلہ قرار دے رہے ہیں۔ دونوں ہی ٹیمیں کارکردگی کے لحاظ سے بہترین اور اپنی جیت کی خواہاں ہیں۔ فرانس کے پاس پلس پوائنٹ یہ ہے کہ وہ پہلے بھی فائنل تک رسائی حاصل کرچکا ہے، نفسیاتی طور پر دونوں ٹیمیں ہی دباؤ کا شکار ہیں۔ اگرچہ فرانس کے پاس بہترین اٹیک موجود ہے مگر اس بار بھی دفاعی لائن نے کامیابی میں اہم کردار ادا کیا ہے۔
فرانس کے گول کیپر نے سیمی فائنل میں جس طرح لگاتار بیلجیم کے گول روکے وہ شائقین کبھی نہ بھول پائیں گے، تجزیہ کاروں کے مطابق فرانس کی سیمی فائنل میں کامیابی کا سہرا اسی دفاع کو جاتا ہے۔ فرانس کے اٹیک میں 19 سالہ کیلیان ایمباپے اور یورو 2016 کے گولڈن بوٹ فاتح انتونی گریزمین جیسے پلیئرز موجود ہیں۔
سیمی فائنل کی جیت کے ساتھ ہی فرانس کے عوام اور میڈیا کو ٹرافی اپنے ملک آتی ہوئی دکھائی دے رہی ہے، ایک اخبار نے تو کامیابی پر سرخی بھی لگائی تھی کہ ’’نیلے خواب بدستور قائم ہیں‘‘۔ لیکن کروشیا کی ٹیم کو بھی ہلکا نہیں لینا چاہیے، کروشیا نے بھی بہت بہترین کھیل کا مظاہرہ کرتے ہوئے سیمی فائنل میں انگلینڈ کے خوابوں کو چکنا چور کیا ہے۔ ورلڈ کپ فٹبال کے فائنل میں فتح کا تاج فرانس یا کروشیا میں سے کس کے سر پر سجتا ہے، اتوار کو ہونے والے مقابلے میں شائقین فٹبال جلد دیکھ سکیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔