جعلی اکاؤنٹس کی بندش، مودی کے ٹوئٹر فالوورز میں لاکھوں کی کمی

نئی دلی: جعلی ٹوئٹر اکاؤنٹس کے لیے کریک ڈاؤن ہوتے ہی بھارتی وزیراعظم نریندر مودی کے اس پلیٹ فارم پر فالوورز کی تعداد میں لاکھوں کی کمی واقع ہوئی ہے۔

سوشل میڈیا پر بھارتی وزیر اعظم نریندر مودی کی مقبولیت میں اچانک کمی دیکھنے میں آرہی ہے اور ایسا ٹوئٹر کی جانب سے جعلی اکاؤنٹس کی بندش کے بعد ہوا ہے۔

یہ بھی پڑھیں: نریندرمودی ٹوئٹر پر مقبولیت میں شاہ رخ خان کے برابر آگئے

https://twitter.com/Anmolmishra610/status/1017739188114939904

11 جولائی کو ٹوئٹر نے فیک اکاؤنٹس کے خلاف کارروائی کرنے کا اعلان کرتے ہوئے کہا تھا کہ کمپنی اس سوشل پلیٹ فارم پر مثبت بات چیت اور مواد کی تشہیر اور شیئرنگ کو یقینی بنانے کے لیے پرعزم ہے۔

اس فیصلے کے دو دن کے اندر نریندر مودی کے فالوورز کی تعداد میں قریبا پونے تین لاکھ یوزرز کی کمی واقع ہوئی، 11 جولائی کو بھارتی وزیر اعظم کے ٹوئٹر پر فالوورز کی تعداد 43.3 ملین تھی جو کم ہوکر 43.1 ہوگئی ہے۔

We are committed to building trust and encouraging healthy conversation on Twitter.

Follower counts should be meaningful and accurate. We are removing locked accounts from follower counts.

— Twitter (@Twitter) July 11, 2018