تین بار کے وزیراعظم کو زمین پر سلایا ایک چادر دی گئی، حسین نوازکا ٹویٹ

لندن: سابق وزیراعظم نواز شریف کے صاحبزادے حسین نواز نے کہا ہے کہ تین بار کے منتخب وزیراعظم  کو جیل میں زمین پر سلایا گیا۔

ایک ٹی وی سے گفتگومیں حسین نواز نے کہاکہ ان کے والد کو زمین پرسونے کے لیے صرف ایک چادر دی گئی۔ ان کے والد، بہنوئی اور بہن کے لیے کھانا گھر سے لانے کی اجازت نہیں۔قانون کے مطابق قیدی کوگھر سے کھانا منگوانے کی اجازت ہے۔

I am told that my father was not given a bed to sleep on and the bathroom was extremely dirty probably not cleaned for ages. There’s no precedence of treating people’s representatives with dignity in this country but these are basic rights withdrawal of which constitutes torture.

— Hussain Nawaz Sharif (@Hussain_NSharif) July 14, 2018

حسین نواز نے اپنے ٹوئٹر پیغام میں لکھا کہ ’مجھے بتایا گیا ہے کہ میرے والد کو رات کو سونے کے لئے بستر نہیں دیا گیا اور غسلخانہ انتہائی غلیظ تھا، عرصۂ دراز سے صفائی نہیں ہوئی تھی۔ اس ملک میں عوامی نمائندوں کی عزت کا دستور نہیں لیکن یہ بنیادی حقوق ہیں جن کا روکنا تشدد ہے۔‘