- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
انجانے خوف نے گرین شرٹس کو اصل مقصد سے بھٹکا دیا
بولاوایو: زمبابوے اور پاکستان کے درمیان تیسرا ون ڈے بدھ کو کھیلا جائے گا انجانے خوف نے گرین شرٹس کو اصل مقصد سے بھٹکا دیا ورلڈ کپ کیلیے مختلف کمبی نیشنز کی آزمائش ثانوی حیثیت اختیار کرگئی۔
تفصیلات کے مطابق مسلسل 2 میچز میں مضبوط ترین الیون کو میدان میں اتارا گیا، تیسرے میچ میں بھی فاتح دستے سے چھیڑ چھاڑ میں ٹیم مینجمنٹ گھبراہٹ کا شکار ہے، مسلسل 2 سنچری شراکتیں بنانے والی اوپننگ جوڑی نے کوچ کا اعتماد بڑھا دیا،محمد حفیظ کی واپسی کا امکان کم البتہ ناتواں بیٹنگ لائن کو بھی نشانہ نہ بنا پانے والے محمد عامر کو ’آرام‘ دیا جاسکتا ہے، یاسر شاہ 2 برس بعد ون ڈے میچ کھیلنے کے منتظر ہیں، دوسری جانب زمبابوین ٹیم کا توپ خانہ اہم ہتھیاروں سے بدستور خالی ہے، مینجمنٹ بنچ پر بیٹھے پلیئرز میں بھی دم خم نہ ہونے کی وجہ سے ’گھسی پٹی‘ الیون کو کھلانے پر مجبور ہے۔ پاکستان نے زمبابوے کو ابتدائی 2ون ڈے میچز میں یکطرفہ مقابلے کے دوران شکست دی۔
اب تیسرے میچ میں فتح کے ساتھ ٹیم کی نگاہیں سیریز اپنے نام کرنے پر مرکوز ہوچکی ہیں۔ گرین شرٹس اس وقت ورلڈ کپ 2019 کی تیاری کے مشن پر ہیں، سیریز کے آغاز سے قبل ٹیم مینجمنٹ کی جانب سے یہی عندیہ دیا گیا تھاکہ اس میں بنچ پاور کو آزمایا اور میگا ایونٹ کے حوالے سے مختلف کمبی نیشنز کی آزمائش ہوگی، کمزور حریف مدمقابل ہونے کی وجہ سے نئے کھلاڑیوں کو اطمینان سے آزمائے جانے کی پوری توقع تھی مگر اس کے باوجود ابتدائی دونوں میچز میں پاکستان کی جانب سے طاقتور ٹیم میدان میں اتاری گئی، جس سے صاف ظاہر ہوگیا کہ مقصد مختلف کمبی نیشنز کی آزمائش نہیں بلکہ سیریز میں کامیابی حاصل کرنا ہے جبکہ دونوں ٹیموں میں زمین آسمان کا واضح فرق نظر آیا۔ اب بھی بڑا اور اہم مقصد تیسرا میچ جیت کر پہلے سیریز میں شکست کے کسی انجانے خوف کو سر سے ٹالنا ہے، حالانکہ یہ کنڈیشنز نئے کھلاڑیوں کی آزمائش کیلیے انتہائی موزوں ہیں،امام الحق اور فخرزمان مسلسل 2 میچز میں سنچری شراکتیں بنا چکے ہیں، اس لیے ٹیم مینجمنٹ کیلیے انھیں ’ڈسٹرب‘ کرنا مشکل فیصلہ ہوگا۔
حفیظ کو بدستور باہر بیٹھنا پڑے گا، البتہ محمد عامر کو آرام دیا جاسکتا ہے،یاسر شاہ 2 برس بعد پہلا ون ڈے کھیلنے کیلیے تیار اور یہ دیکھا جاسکتا ہے کہ وہ اگلے برس انگلینڈ میں شیڈول میگا ایونٹ کیلیے مضبوط امیدوار ہیں یا نہیں۔ عامر کا آرام ان کے میدان میں اترنے کا باعث بن سکتا ہے۔ انجری سے واپس لوٹنے والے بابر اعظم ابتدائی دونوں میچز میں کافی بہتر دکھائی دیے، پہلے ون ڈے میں وہ جلد وکٹ گنوا بیٹھے جبکہ دوسرے میں ناٹ آؤٹ رہے، مگر ان کے پاس زیادہ اسکور کا موقع ہی نہیں تھا، اگر اس بار پاکستان نے پہلے بیٹنگ کی تو ہوسکتا ہے کہ بابر اپنی 7 ون ڈے سنچریوں میں اضافہ کرنے میں کامیاب ہوجائیں۔ کپتان سرفراز احمد پہلے ہی واضح کرچکے کہ سیریز جیتنے کے بعد ہی پلیئنگ الیون میں تبدیلیاں ہو سکتی ہیں، ٹیم کا پہلا ہدف سیریز جیتنا ہے، اس کے حصول کے بعد ہی بنچ پاور کو آزمائیں گے۔ ادھر زمبابوے کی صرف ایک ہی خواہش ہے کہ وہ کم سے کم عزت سے ہارنے کے قابل ہوجائے، کھلاڑیوں کی ناکامیوں کے باوجود وہ انھیں کھلانے پر مجبور ہے کیونکہ بنچ پر بیٹھے ہوئے پلیئرز معیار سے اور بھی نیچے ہیں۔ پچ کے ابتدائی دونوں میچز سے مختلف ہونے کی بالکل توقع نہیں ہے، موسم بھی گذشتہ دنوں جیسا ہی سرد ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔