- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
سندھ کے 6 تعلیمی بورڈز کے چیئر مین تبدیل
کراچی: حکومت سندھ نے میٹرک کے امتحانی نتائج سے محض چندروزقبل صوبے کے 6 تعلیمی بورڈزکے چیئرمینزکے شفاف انتخابات کوبنیاد بناتے ہوئے دیگرتعلیمی بورڈزمیں تبادلے کردیے ہیں۔
ٹینوورپوسٹ پر کام کرنے والے چیئرمینزکے تبادلے ایسے وقت میں کیے گئے ہیں جب تعلیمی بورڈزمیں سندھ کے لاکھوں طلبہ کے میٹرک کے امتحانی نتائج کی تیاری آخری مراحل میں آچکی ہے جبکہ کچھ تعلیمی بورڈکوآئندہ کچھ روزمیں میٹرک کے نتائج کااجرا بھی کرناہے۔ سندھ کے بیشترتعلیمی بورڈزمیں مستقل ناظم امتحانات کی عدم موجودگی کے سبب یہ نتائج قائم مقام کنٹرولرتیارکررہے ہیں جومستقل چیئرمینزبورڈ کی نگرانی میں تیارکیے جارہے تھے جن کی جگہ اب غیرمستقل چیئرمینزنے لے لی ہے۔
ادھر حیرت انگیزطورپرحیدرآبادتعلیمی بورڈ کے چیئرمین ڈاکٹرمحمد میمن کی جانب سے دیے گئے استعفیٰ کے باوجودانھیں سبکدوش کیاگیاہے اورنہ ہی ان کاتبادلہ کسی دوسرے تعلیمی بورڈ میں کیاگیاہے جس سے شکوک وشبہات جنم لے رہے ہیں۔ محکمہ یونیورسٹیزاینڈبورڈز کی جانب سے تعلیمی بورڈحیدرآباد کے چیئرمین ڈاکٹرمحمد میمن کے حوالے سے جانبداری کاتاثرسامنے آیاہے اورسوال اٹھ رہاہے کہ کیاتعلیمی بورڈ حیدرآباد کے علاوہ دیگرتمام ہی بورڈزکے چیئرمین انتخابات پراثراندازہونگے جبکہ ڈاکٹرمحمدمیمن کی جانب سے استعفیٰ بمعہ ایک ماہ کے دیے گئے نوٹس کی مدت بھی 22جون کوپوری ہوچکی ہے تاہم ان کے حوالے سے کوئی فیصلہ سامنے نہیں آیاہے۔
حال ہی میں چارج سنبھالنے والے محکمہ یونیورسٹیزاینڈبورڈزکے سیکریٹری عبدالکبیرقاضی کی جانب سے چیئرمین تعلیمی بورڈزکے تبادلوں کے سلسلے میں ایک نوٹیفیکیشن منگل کی شام جاری کیاگیاہے۔ جس کے مطابق یہ تبادلے 26جولائی تک کی مدت کے لیے کیے گئے ہیں نوٹیفکیشن کے مطابق چیئرمین انٹربورڈکراچی پروفیسر انعام احمد کاتبادلہ سکھرتعلیمی بورڈ کیاگیاہے جبکہ انھیں بورڈ آف انٹرمیڈیٹ اینڈسیکنڈری ایجوکیشن بینظیرآباد(نوابشاہ) کااضافی چارج بھی دیاگیاہے جبکہ شہیدبینظیرآبادبورڈ کااضافی چارج رکھنے والے چیئرمین اوروائس چانسلر شہید بینظیربھٹویونیورسٹی نوابشاہ ارشدسلیم سے یہ چارج لے لیاگیا ہے۔
مزیدبراں چیئرمین میٹرک بورڈ کراچی ڈاکٹر سعیدالدین کولاڑکانہ تعلیمی بورڈبھیج دیاگیاہے اسی طرح چیئرمین میرپورخاص تعلیمی بورڈبرکات علی حیدری کاتبادلہ کرتے ہوئے سندھ بورڈآف ٹیکنیکل ایجوکیشن کاچارج دیاگیاہے سکھرتعلیمی بورڈ کے چیئرمین غلام مجبتیٰ شاہ کومیرپور خاص بورڈبھیجاگیاہے چیئرمین لاڑکانہ بورڈڈاکٹر احمد علی بروہی کابورڈآف انٹرمیڈیٹ ایجوکیشن کراچی تبادلہ کیاگیا ہے اورچیئرمین سندھ بورڈآف ٹیکنیکل ایجوکیشن مسروراحمد شیخ کاتبادلہ کرتے ہوئے بورڈآف سیکنڈری ایجوکیشن کراچی کاچارج دیاگیاہے بتایاجارہاہے کہ ان تبادلوں کی سفارش محکمہ یونیورسٹیزاینڈبورڈکے ایک ایڈیشنل سیکریٹری اورسندھ ایچ ای سی کے ڈائریکٹرنورمحمد شاہ کی جانب سے کی گئی تھی۔
جن کااس سے قبل یونیورسٹیز یابورڈزکاکوئی تجربہ ہی نہیں ہے جبکہ وہ کئی سال سے غیرفعال سندھ ایچ ای سی کے ڈائریکٹرہیں جہاں افسران ماہانہ تنخواہوں کے حصول کے علاوہ کوئی دوسراکام نہیں کرتے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔