اسلام آباد میں ہفتہ وار بازار میں آگ لگنے سے سیکڑوں دکانیں خاکستر

اسلام آباد: پشاور موڑ کے قریب واقع ہفتہ وار بازار میں آگ لگنے سے سیکڑوں دکانیں جل کر خاکستر ہوگئیں۔

ایکسپریس نیوز کے مطابق اسلام آباد میں پشاور موڑ کے قریب واقع ہفتہ وار بازار میں اچانک آگ بھڑک اٹھی جس نے دیکھتے ہی دیکھتے سیکڑوں دکانوں کو لپیٹ میں لے لیا۔

آگ بجھانے کے لیے سی ڈی اے کے فائر ٹینڈرز کے علاوہ پاک بحریہ اور راولپنڈی کی انتظامیہ سے بھی مدد حاصل کی گئی اور کئی گھنٹوں کی جدو جہد کے بعد آگ پر قابو پالیا گیا۔

سی ڈی اے حکام کا کہنا ہے کہ آگ لگنے کی وجوہات کا تعین ابھی تک نہیں کیا جاسکا، آج ہفتہ وار بازار بند تھا، اس لئے فی الحال کسی قسم کے جانی نقصان کی اطلاع نہیں ملی۔ آگ پر قابو پالیا گیا ہے اور اب کولنگ کا عمل جاری ہے۔

اسلام آباد کے پشاور موڑ اتوار بازار شدید آتشزدگی کی زد میں آ گیا۔۔ کروڑوں کا سامان جل کر خاکستر ہونے کا خدشہ ۔۔۔ یہ دوسرا واقعہ ہے pic.twitter.com/393LdKBlBT

— Bashir Chaudhary (@Bashirchaudhry) July 18, 2018