- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
ناپید شمالی سفید گینڈے کا ایمبریو تیار، معدوم نسل کی افزائش کی امید
سائنس دانوں نے ’شمالی سفید گینڈے‘ کے حال ہی میں مرنے والے آخری نر کے اسپرم اور ’جنوبی سفید گینڈے‘ کی مادہ کے انڈوں کے اختلاط سے ایمبریو تیار کرلیا جس سے اس معدوم ہونے والی نسل کی دوبارہ افزائش کے امکانات روشن ہوگئے۔
بین الاقوامی خبر رساں ادارے کے مطابق کرہ ارض پر موجود شمالی سفید گینڈے کا آخری نر رواں سال مارچ میں مرگیا تھا جس کے بعد یہ نسل معدوم ہوگئی تھی کیوں کہ اس نسل کی صرف دو مادائیں ہی بچی ہیں جب کہ آخری نر گینڈے ’ سوڈان‘ کی باقی رہ جانے والی دو ماداؤں سے افزائش نسل کی کوششیں ماداؤں کے بانجھ ہونے کے باعث ناکام ہوگئی تھیں۔
اس ناکامی کے بعد سائنس دانوں نے اس نسل کو بچانے کے لیے ’آئی وی ایف ٹیکنالوجی‘ کی مدد لینے کا فیصلہ کیا تھا جس کے لیے نر سفید گینڈے کے اسپرم کو منجمد کرلیا گیا تھا جسے شمالی سفید گینڈے کی قریبی نسل جنوبی سفید گینڈے کی مادہ کے انڈے سے اختلاط کرایا گیا جو کہ کامیاب رہا۔ سائنس دان اس کامیاب تجربے کے بعد معدوم ہوجانے والی شمالی سفید گینڈے کی نسل کے دوبارہ پیدا ہوجانے کے لیے پُرامید ہیں۔
یہ بھی پڑھیں: سفید گینڈے کی نسل کا آخری نر بھی موت کا شکار
یہ پہلا موقع نہیں جب سائنس دانوں نے کسی معدوم ہوجانے والی نسل کو بچانے کے لیے جدید تولیدی ٹیکنالوجی (IVF) کا استعمال کیا ہو، اس سے قبل مینڈک کی معدوم ہو جانے والی قسم ’گاسٹرک بروڈنگ‘ کے ایمبریوز بھی تیار کیے گئے تھے جب کہ 2003ء میں جنگلی مادہ ہرن کا کولون پیدا کرنے کے لیے ایک بکری کا رحم استعمال کیا گیا تھا تاہم وہ اپنی پیدائش کے فوراً بعد چل بسا تھا اسی طرح ہارورڈ یونیورسٹی کی تحقیقی ٹیم سائبیریا کی معدوم ہوجانے والی ہاتھی کے نسل کو دوبارہ زندگی دینے کی کوشش جاری رکھے ہوئے ہیں۔
دوسری جانب کئی سائنس دانوں کا موقف ہے کہ قدرت اور فطرت کے کاموں میں دخل اندازی کے مثبت نتائج نہیں نکلیں گے معدوم نسل کے احیاء کے بجائے ماحولیات پر کام کرنے کی ضرورت ہے۔ اگر فطری لائف سائیکل کو نہ چھیڑا جائے تو کوئی نسل معدوم نہ ہو جس کے لیے انسانوں کو جنگلوں کی کٹائی، خطرناک کیمیکل کو سمندر میں بہانے اور پلاسٹک کے بے دریغ استعمال سے رکنا ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔