- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
شیخ رشید کی پٹیشن مسترد، این اے 60 میں الیکشن ملتوی ہونے کا فیصلہ برقرار
راولپنڈی: لاہور ہائی کورٹ نے شیخ رشید کی پٹیشن مسترد کرتے ہوئے این اے 60 میں الیکشن ملتوی کرنے کا فیصلہ برقرار رکھا ہے جس پر شیخ رشید نے سپریم کورٹ سے رجوع کرلیا۔
ایکسپریس نیوزکے مطابق الیکشن کمیشن کی جانب سے راولپنڈی این اے 60 میں الیکشن ملتوی کیے جانے کے فیصلے کے خلاف عوامی مسلم لیگ کے سربراہ شیخ رشید نے لاہور ہائی کورٹ کے راولپنڈی بینچ میں پٹیشن دائرکی جس میں الیکشن کمیشن آف پاکستان اور ریٹرننگ افسر کو فریق بنایا گیا تھا۔
درخواست میں موقف اختیارکیا گیا تھا کہ آئین کے تحت الیکشن صرف کسی امیدوارکی وفات کی صورت میں موخر کیے جاسکتے ہیں، امیدوار کو سزا ہونے پر الیکشن ملتوی نہیں ہوسکتا، مریم نواز اور کیپٹن (ر) صفدر کو سزا پران حلقوں میں الیکشن ملتوی نہیں ہوئے تو حنیف عباسی کو سزا ملنے کے بعد این اے 60 پر بھی انتخابی عمل کو روکا نہیں جاسکتا۔ کسی امیدوار کو عدالت سے سزا ہونے کا خمیازہ ووٹرز کیوں بُھگتیں؟ اس لیے این اے 60 کا الیکشن ملتوی کرنا غیر قانونی ہے یہ فیصلہ کالعدم کیا جائے۔
عدالت نے سماعت کے بعد شیخ رشید کی پٹیشن مسترد کرتے ہوئے فیصلہ دیا ہے کہ الیکشن کمیشن کا این اے 60 میں الیکشن ملتوی کرنے کا فیصلہ درست ہے۔
اطلاعات کے مطابق ہائی کورٹ سے درخواست مسترد ہونے کے بعد الیکشن ملتوی کرانے کا فیصلہ کالعدم قرار دلانے کے لیے شیخ رشید نے سپریم کورٹ سے رجوع کرلیا ہے۔ اس ضمن میں انہوں نے فیصلے پر نظر ثانی کے لیے سپریم کورٹ میں درخواست دائر کردی ہے۔
واضح رہے کہ 21 جولائی کے روز انسداد منشیات کی عدالت نے مسلم لیگ (ن) کے امیدوار حنیف عباسی کو ایفیڈرین کیس میں عمرقید کی سزا سنائی تھی جس کے بعد الیکشن کمیشن نے این اے 60 راولپنڈی میں انتخابات مؤخر کردیئے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔