ووٹ کوعزت ملی تو شہباز کی چیخیں نکل گئیں، شیخ رشید

نمائندہ ایکسپریس  جمعرات 26 جولائ 2018
اقتدار کے بھوکا نہیں، میری جیت راولپنڈی والوں کی جیت ہے، شیخ رشید۔ فوٹو: فائل

اقتدار کے بھوکا نہیں، میری جیت راولپنڈی والوں کی جیت ہے، شیخ رشید۔ فوٹو: فائل

 راولپنڈی: عوامی مسلم لیگ کے سربراہ شیخ رشید نے کہا ہے کہ آج پاکستان جیت گیا ہے تاہم اب ووٹ کو عزت ملی ہے تو شہبازشریف کی چیخیں نکل گئی ہیں۔

لال حویلی کے باہر جمع ہونیوالے کارکنوں سے خطاب کرتے ہوئے شیخ رشید نے کہا آج پاکستان میں نیا سورج طلوع ہو گا۔ پنڈی جیل میں شہباز شریف اور شاہد خاقان عباسی کو اکھیان اڈیک دیاں۔ ان کا کہنا تھا کہ شہباز شریف کہتے ہیں کہ الیکشن ٹھیک نہیں ہوئے۔ الیکشن کمیشن،چیف جسٹس اور آرمی چیف کا شکریہ۔

شیخ رشید نے کہا کہ وہ اقتدار کے بھوکے نہیں ہیں۔ ان کی جیت راولپنڈی والوں کی جیت ہے۔ جنہوں نے ووٹ نہیں دیے ان کی بھی خدمت کریں گے۔ن لیگ، ق لیگ اور پیپلزپارٹی سب کے لیے لال حویلی کے دروازے کھلے ہیں۔ ان کا کہنا تھا کہ آزادانہ خارجہ پالیسی بنائیں گے۔ ڈالر کی قیمت کو کنٹرول کریں گے،زرمبادلہ ذخائر بڑھائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔