عمران خان بند گلی میں پھنس گئے، سعد رفیق

ویب ڈیسک  جمعرات 26 جولائ 2018
وفاق میں دیکھیں گے کہ پیپلزپارٹی کس کروٹ بیٹھتی ہے، رہنما ن لیگ فوٹو:فائل

وفاق میں دیکھیں گے کہ پیپلزپارٹی کس کروٹ بیٹھتی ہے، رہنما ن لیگ فوٹو:فائل

 لاہور: مسلم لیگ (ن) کے رہنما خواجہ سعد رفیق نے کہا ہے کہ پاکستان تحریک انصاف کے چیرمین عمران خان بند گلی میں پھنس گئے ہیں۔

لاہور میں میڈیا سے گفتگو کرتے ہوئے سعد رفیق نے کہا کہ عمران خان سیاسی تنہائی کا شکار ہیں، وہ ایسی جگہ پھنس گئے ہیں جہاں سے واپسی کا راستہ نہیں، میرے 40 پولنگ اسٹیشن پر نتائج کو روکا گیا ہے، رات تک مجھے 12 ہزار ووٹوں سے جتوایا جا رہا تھا۔

سعد رفیق نے کہا کہ وفاق میں دیکھیں گے کہ پیپلزپارٹی کس کروٹ بیٹھتی ہے اس کے بعد پنجاب میں اس سے اتحاد سے متعلق کوئی فیصلہ کریں گے، دعا ہے کہ ریلوے کی وزارت شیخ رشید جیسے انسان کے ہاتھ نہ آئے، انہوں نے پہلے بھی ٹرینوں کا میک اپ کرکے ایک ٹرین کو مختلف ناموں سے چلایا، کوئی مانے یا نہ مانے لیکن دنیا مانتی ہے کہ میں نے ریلوے کو سنجیدگی سے چلایا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔