مصر میں جیل کے ساتھی جیون ساتھی بن گئے

ویب ڈیسک  بدھ 8 اگست 2018
شادی کی تقریب سادگی سے کی گئی،فوٹو: ٹوئٹر

شادی کی تقریب سادگی سے کی گئی،فوٹو: ٹوئٹر

قاہرہ: مصر کی جیل میں ایک جوڑے نے جیون ساتھی بن کر نئی زندگی کی شروعات کرلی۔

عرب میڈیا کے مطابق پابند سلاسل ولید اور امانی کی ملاقات جیل میں ہوئی اور اب دونوں شادی کے بندھن میں بندھ گئے ہیں،  سلاخوں کے پیچھے اس جوڑے کی شادی کے لیے خصوصی اجازت نامہ جاری کیا گیا اور حکام کی موجودگی میں جیل کے ساتھیوں کو جیون ساتھی بنادیا گیا۔

جیل میں شادی کی سادہ سی تقریب منعقد کی گئی جس میں جوڑے کے دوستوں کو بھی مدعو کیا گیا اور بعدازاں ملکی وزارت داخلہ نے اس منفرد شادی کا باضابطہ اعلان کیا۔

جیل حکام اور قیدیوں نے شادی پر جوڑے کو مبارکباد پیش کرتے ہوئےان کے لیے نیک خواہشات کا اظہار کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔