عمران خان 18 اگست کو وزیراعظم کے عہدے کا حلف اٹھائیں گے

ویب ڈیسک  جمعـء 10 اگست 2018
عمران خان وزیراعظم ہاؤس میں نہیں رہیں گے بلکہ منسٹرانکلیو میں رہیں گے، فواد چوہدری۔ فوٹو : فائل

عمران خان وزیراعظم ہاؤس میں نہیں رہیں گے بلکہ منسٹرانکلیو میں رہیں گے، فواد چوہدری۔ فوٹو : فائل

بنی گالہ: چیئرمین تحریک انصاف عمران خان 18 اگست کو وزیراعظم کے عہدے کا حلف اٹھائیں گے۔

بنی گالہ کے باہر میڈیا سے بات چیت میں ترجمان تحریک انصاف فواد چوہدری کا کہنا تھا کہ عمران خان کی تقریب حلف برداری 18 اگست کو ہوگی جب کہ ارکان اسمبلی 13 اگست کو حلف اٹھائیں گے۔ ان کا کہنا تھا کہ تقریب حلف برداری کی تیاری کل سے شروع ہوگی، عمران خان وزیراعظم یا پنجاب ہاؤس میں نہیں بلکہ منسٹرانکلیو میں قیام کریں گے۔

اس خبر کو بھی پڑھیں : صدر مملکت نے قومی اسمبلی کا اجلاس 13 اگست کو طلب کرلیا

فواد چوہدری نے کہا کہ بنی گالا میں سیکیورٹی انتظامات عمران خان خود برداشت کررہے ہیں، منسٹرز انکلیو میں گھر کی مرمت کا کام بھی عمران خان خود کریں گے جب کہ ایک پیسہ بھی سرکاری خزانے سے نہیں لیا گیا۔

اس خبر کو بھی پڑھیں : عمران خان کی تقریب حلف برداری، کپل دیو اور ورلڈ کپ کی فاتح ٹیم مدعو

اس موقع پر پی ٹی آئی رہنما سینیٹر فیصل جاوید کا کہنا تھا کہ عمران خان کی وزیر اعظم کے لیے حلف برداری کی تقریب میں سابق بھارتی کپتان کپل دیو، نوجوت سدھو اور سنیل گواسکر کو مدعو کیا گیا ہے۔ اس کے علاوہ ورلڈ کپ 1992 کی فاتح پاکستانی ٹیم کے کھلاڑیوں کو بھی تقریب حلف برداری میں شرکت کے لیے دعوت نامے ارسال کر دیے گئے ہیں۔

 



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔