- ایلون مسک کا ٹیسلا کے 10 فیصد ملازمین کو برطرف کرنے کا فیصلہ
- انٹربینک مارکیٹ میں ڈالر کی قیمت میں 17 پیسے اضافہ
- حکومت نے بجلی کی قیمتوں میں کمی کی درخواست نیپرا میں جمع کرادی
- عید الاضحی کب ہوگی، مصر کے ماہرینِ فلکیات نے بتادیا
- پی سی بی میں اکھاڑپچھاڑ شروع، الیکشن کمیشن اور اسکروٹنی کمیٹی تحلیل
- شوہر کے مبینہ تشدد کا شکار خاتون کا بھارت جانے سے انکار، تحفط فراہم کرنے کا مطالبہ
- کراچی: آٹا سستا ہونے کے باوجود روٹی، نان اور ڈبل روٹی کی قیمت کم نہ ہوسکی
- صدر زرداری کو ہاکی کے امور پر بریفنگ دی جائے گی، شہلا رضا
- کور کمانڈرز کانفرنس کا مسلح افواج کے خلاف منفی پروپیگنڈا پر سخت کارروائی پر اتفاق
- عدالت کے حکم پر لاہور میں حراستی ملزمان کو بخشی خانوں میں کھانا فراہم کیا جانے لگا
- پاکستان میں سرمایہ کاری کے حوالے سے جو ہو سکا کریں گے، سعودی وزیر خارجہ
- غیر ازدواجی تعلقات؛ بیوی نے شوہر پر کھولتا ہوا پانی انڈیل دیا
- آسٹریلیا میں چیونٹیوں کی پُراسرار قسم دریافت
- ان 3 حالات میں دانتوں کو برش نہ کریں
- ترجمے کی مضحکہ خیز غلطی، بھارتی ریلوے اسٹیشن پر لگا بورڈ وائرل ہوگیا
- لاہور؛ 5 سالہ بچے سے زیادتی کی کوشش کرنے والا ملزم گرفتار
- حکومت بجلی 100 روپے فی یونٹ تک لے جائیگی اور پیٹرول بھی مزید مہنگا کریگی، عمر ایوب
- عمران خان کی رہائی کسی ڈیل کی صورت میں نہیں ہورہی، چیئرمین پی ٹی آئی
- سائفر کیس؛ ایف آئی اے کو دلائل کیلئے لمبا وقت چاہیے تو سزا معطل کردیتے ہیں، اسلام آباد ہائیکورٹ
- ملک میں دو قانون نہیں چل سکتے، عمران خان کی بہاولنگر واقعے کی شدید مذمت
کراچی اور چینی شہر شین یانگ میں دوستی و تعاون کا معاہدہ
کراچی: چین کے شہر شین یانگ سٹی میں کراچی اور شین یانگ کے درمیان دوستی اور تعاون کا معاہدہ کیا گیا ہے۔
دوستی اور تعاون کے اس معاہدے کے تحت دونوں شہر چین اور پاکستان کے درمیان دوستی کو مزید مضبوط بنانے کیلیے بیلٹ اینڈ روڈ پروجیکٹ کے تحت باہمی تعاون میں اضافہ کریں گے اور مختلف سطح پر دوستانہ روابط بڑھائیں گے جن سے دونوں ملکوں کے عوام کو ایک دوسرے کے مزید قریب لانے اور باہمی تجارت و اقتصادی ترقی کی راہ ہموار کرنے میں مدد ملے گی۔
معاہدے کی دستاویز پر میئرکراچی وسیم اختر اور شین یانگ سٹی کے میئر نے دستخط کیے ، معاہدے کے تحت کراچی اور شین یانگ سٹی کے متعلقہ محکمے اور نمائندے مشترکہ دلچسپی کے امور میں تعاون اور اشتراک عمل کے لیے مستقل بنیادوں پر رابطہ رکھیں گے اور اس کے ساتھ ساتھ صنعت و تجارت، معیشت، سیاحت، زراعت، مواصلات، شہری تعمیرات، سائنس وٹیکنالوجی، کلچر، تعلیم، کھیلوں، صحت عامہ، ماحولیاتی تحفظ ، نوجوانوں کے لیے پروگرام اور دیگر شعبوں میں مختلف شکلوں میں باہمی تعاون کو وسعت دیں گے۔
اس سے قبل میئر کراچی وسیم اختر نے شین یانگ سٹی کے میئر سے ملاقات کی اور باہمی دلچسپی کے امور پر تبادلہ خیال کیا، میئر کراچی نے کراچی اور شین یانگ سٹی کے درمیان دوستی اور تعاون کے معاہدے کے حوالے سے مختلف نکات پر بھی بات چیت کی اور اس امید کا اظہار کیاکہ اس معاہدے سے دونوں شہروں کو فوائد حاصل ہوںگے اور مستقبل میں پاک چین دوستی کو مزید تقویت حاصل ہوگی۔
واضح رہے کہ کراچی اور شین یانگ سٹی کے مابین مماثلت کے باعث شین یانگ سٹی اورکراچی کو دوست شہر قرار دینے کا معاہدہ کیا گیا ہے جس کے لئے میئر کراچی وسیم اختر کو چین کے دورے کی دعوت شین یانگ سٹی کی پیپلزایسوسی ایشن فار فرینڈ شپ نے دی تھی، معاہدے کی مدت3سال ہے تاہم اس میں مزید توسیع ہوسکے گی۔
معاہدے کے ذریعے شین یانگ سٹی اور کراچی کے درمیان انفرااسٹرکچر، ڈیولپمنٹ، نالوں کی صفائی، فائراسٹیشن ، ٹرانسپورٹ، سالڈ ویسٹ مینجمنٹ اور دیگر منصوبوں میں تعاون کا جائزہ بھی لیا جائے گا اور پاکستان کے معاشی حب اور سب سے بڑے شہر کراچی میں سٹی پلاننگ، اسمارٹ سٹی، انفارمیشن ٹیکنالوجی، پبلک مینجمنٹ، اربن ڈیولپمنٹ، ٹریفک ماس ٹرانسپورٹیشن، میونسپل سروسز، میڈیکل اینڈ ہیلتھ، فائراسٹیشنز اورپارکنگ پلازا کی تعمیر، کچرے کو بڑے پیمانے پر منتقل کرنے سمیت مختلف شعبوں میں چینی ماہرین اور کمپنیز سے تعاون حاصل کیا جائے گا تاکہ کراچی کے شہریوںکوبھی چین کے شہروںکی طرزپربہترشہری سہولتیں میسر آسکیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔